Haurrentzako, Gazteentzako, eta Guraso eta Hezitzaileen Eskolako jarduerak

Pasa den urriaren 17an, Jordi Nomen, filosofia irakasle eta Haur Filosofiaren bultzatzaileak hitzaldi bat eskeini zuen Ignacio Aldecoa Kultura Etxean. Nola erabili filosofia gure Haur eta gaztetxoekin batera? Hemen ikus dezakezue. Pentsamenduak gure baitan lora daitezela!

Urriaren 22an Haur eta Gazte Saileko lagunak Florida Parkera irten ginen bertako zuhaitzen bizitza zer nolakoa den ezagutzera. Pello Urrutia, Arabako Natur institutuko kideak lagundu gintuen. Mila esker txangoagatik eta mugitzen ez direla diruditen baina gure bizitza posible egiten duten bizidun horiek ezagutzen laguntzeagatik!

 

 

Urriaren 17an Bernardo Atxaga, Mikel Valverde eta Ramon Bajo eskolako lagunak bisitan etorri zitzaizkigun, Bisita, Ata punk eta Ate punky liburu argitaratu berria ezagutzera. Mikelek eta Bernardok punkiak nola sortzen diren erakutsi ziguten, eta Ramon Bajoko lagunek galdera mordoa egin zizkieten. Hurren arte!

 

 

 

 

 

 

 

 

 

Urriaren 15ean Floridako parkean barrena prismatikoekin ibili ginen txoriak ezagutzeko. Andonik haien ezaugarriak eta bizimodua nolakoak diren erakutsi zigun. Mila esker gure natura maitatu eta zaintzen laguntzeagatik!

 

 

 

 

Urriaren 1ean Haur eta Gazte Saila Sorgintxo batek bisitatu zuen. Saioa López Rico idazleak eta Eva Rami irudigileak elkarrekin idatziriko liburua aurkeztu ziguten. Gehiago izan daitezela!

 

 

Urriaren 8an haurrentzako filosofia tailerrekin hasi ginen eta parte hartu zutenek zoragarri pasa zuten. Denok detektibe, ikerlari eta esatari! Pentsatzea baliogarria bezain dibertigarria delako. 3 astez behin ostiral arratsaldetan, anima zaitezte urrengo saioetara!

Maiatzaren 27an Haur eta Gazte Sailean Pantzart teatro konpainia izan genuen emanaldi bat ematen. Musika zoragarriaren laguntzaz Etiopiatik Parisera bidaiatu genuen. Eskerrik asko gurean geraldi bat egiteagatik!

Maiatzaren 21ean paloma González Rubio, Beatriz Giménez de Ory, Beatriz Oses eta Santiago Daneykok poesia emanaldia eskaini zuten gurean. Hitzak josi zituzten pertsonak elkartzeko ariak erabiliaz. Liluratu gintuzten erne entzuten genien aldi berean. Mila esker zuen bisitagatik, eta hurren arte!

Maiatzaren 20an Haur eta Gazte Sailean João liburuaren euskarazko itzulpena aurkeztu zuen haren egile Paloma González Rubiok. Horretarako Ibaizabal argitaletxeko Sabin Gorrotxategi eta Aitor Arana itzultzailearen konpainia ezin hobea izan zituen. Mila esker benetan, urruti bidaiatzen irakasteagatik!

Izugarri ongi pasa genuen Edu Zelaieta eta Txabi Arnalen solasaldi irekian Haur eta Gazte Liburutegira bertaragu ginen lagunok.

Mila esker zuen gogoeta kritikoagatik, eta haur literatura hainbeste maitatu eta maitarazteagatik!!

Maiatzaren 6an Haur eta Gazte Sailean Alien baten bisita izan genuen. Hanna Whelan eta bere bi laguntzaileek ingelesez aurkeztu ziguten espaziotik etorritako lagun hau. Urte askotarako!

Apirilaren 21ean Maite Mutuberria irudigileak bere Lohia liburuaren irakurketa bateratua egin zuen. Oso adi jarraitu genituen bere sormen prozesua eta irudi bidez emozioak transmititzeko gaitasuna. Laster arte, Maite!

   

Apirilaren 9an Iñaki Martiarena “Mattin” gurera etorri zen haurrekin marraztera eta bere Klak! liburuari jarraipena ematera. Izugarri ongi pasa zuten. Esker anitz Mattin!

 

Apirilaren 4an Mikel Ayerbe irakasleak Hitzik gabeko albumei buruzko mintzaldi praktikoa eskaini zigun. Liburu horien bidez haur eta gaztetxoei irakurzaletasuna sustatzeaz aritu ginen. Asko disfrutatu eta ikasi genuen. Mila esker, Mikel!

     

 

 

Apirilaren 7an Eider Eibar irudigileak Ignacio Aldecoa Kultura Etxera etorri ziren haurrei “Ez dakit marrazten” bere albuma kontatu zien, haiekin batera zuzeneko marrazkiak egin zituelarik.

Norbaitek bere marrazki gehiago ikusi nahiko balituzke, sar dadila www.kokoak.eus web orrian. 

 

   

 

 

Martxoaren 25ean Marta Extramiana eta Elisa Ruedak hamarnaka zapatila jostari ekarri zituzten Kultura Etxera!

 

 

 

 

Gure seme-alabak LGTB+ eskola jazarpenaren aurrean nola laguntzeari buruzko hitzaldia.

Alexander Rodríguez. Jokabide gabineteko psikologoa.

2022/03/18

Antolatzailea: Guraso eta Hezitzaileen eskola.

Otsailaren 18an hasi zen Haurrentzako komiki kluba.

Bertan egindako lan batzuk erakusten dizkizuegu.

Azucena, monitorea, eta parte-hartzaileak hurrengo saioak iristeko irrikaz daude.

Otsailaren 19an, 21ean eta 22an LectUne programan parte hartzen duten gazteen bisitak jaso genituen, irakurketaren abenturan laguntzen dieten boluntarioekin batera.

Jakina, bere bazkide-txartelak izapidetu genizkien, bere etxeetan gozatzen jarrai dezaten.

Caligrafiando: gazteentzako kaligrafia tailerra, uztailaren 6tik 8ra.

Aurkeztu genuenetik onarpen handia izan zuen, eta berehala bete ziren 10 eta 14 urte bitarteko gazteentzat eskaintzen genituen 12 plazak.

Itxaron-zerrenda bat bete genuen, edizio berrietarako kontuan hartuko duguna.

Nerea Lekuona, monitorea, eta parte hartu zuten gazteak oso gustura geratu ziren.

Jose Luis García Psikologia klinikoan Doktorea, sexologoa, hiziari eta idazlea.

2021/05/27

Antolatzailea: Guraso eta Hezaitzaileen eskola

Florida parkearen 200 urtebetetzea dela eta, Ignacio Aldecoa Kultura Etxeak txikientzako tailer bat antolatu zuen. Ekintza honen bitartez, umeek parkean bizi diren espezieak hobeto ezagutu ahal izan zituzten.