"Nire leihotik"

Leiho batetik, aire berria sartzen da ideiak argitzeko... eta, gure pentsamenduak eta ametsak ere ateratzen dira, ia konturatu gabe. 

Batzuetan, leihora ateratzea nahikoa izaten da irudimena hegan egiten hasteko: kale bat, abentura bihurtzen da; plaza bat, istorioz betetako agertokia; hodei bat, urruneko bidaia. Leihoa lasai behatzen eta eguneroko bizitzako xehetasun txikiak deskubritzen ikasteko erabiltzen dugun markoa dugu: pasatzen diren pertsonak, haizearekin mugitzen diren zuhaitzak, teilatuak eraldatuz doan argia ikusten ditugu bertatik.

"Nire leihotik" lehiaketak gonbita egiten dizu gelditzera, zure ingurunea begiratzera eta sormen bihurtzera. Marrazki eta kontakizunen bidez, zure auzoa, kalea edo hiria nola ikusten duzun kontatu ahal izango duzu: gehien inspiratzen zaituzten lekuak, egunero deskubritzen dituzun txokoak edo etorkizuneko espazioak nola irudikatzen dituzun ere bai.

Hirigintza planoekin ez ezik, begiradekin, emozioekin eta ideiekin ere eraikitzen delako, pertsonek bizi diren lekuak bizitzeko, sentitzeko eta amesteko duten moduarekin.

Lehiaketa hau sormenaren leihoa irekitzeko gonbidapena da, jakin-minez behatzeko eta hor bertan jaiotzen diren istorioak partekatzeko: mundua begietatik sartu ... eta irudimena hegan ateratzen den une horretan.

Leiho bakoitza munduari begiratzeko modu bat da: Zer ikusten duzu begiratzen duzunean? Eta zer ikusi nahiko zenuke? Atera leihora, imajinatu.


Leihoak marraztuko dizkizut: bertan, ikusten duzuna ... edo ikusi nahiko zenukeena koloreen, formen eta trazuen bidez imajinatzeko.

Leihoak idatziko dizkizut: egunerokotasuna bizitzaz eta sormenez beteriko kontakizun bihurtzen dutenentzat.
 

 

Nork har dezake parte? 

Lehiaketa honek bi modalitate ditu:

1.    MARRAZKIA

Nori zuzendua: 

  • Haurrak: 2015etik 2020ra bitartean jaiotakoak.
  • Gazteak:  2009tik eta 2014ra bitartean jaiotakoak.


Marrazkiaren baldintzak:

  • Proposatutako gaiarekin lotutakoa eta eskuz egina izan behar du.
  • Edozein teknika erabil dezakezu: arkatza, koloreak, akuarelak, etab.

 

2.    KONTAKIZUNA

Nori zuzendua: 

  • Haurrak: 2015etik 2020ra bitartean jaiotakoak.
  • Gazteak: 2009tik 2014ra bitartean jaiotakoak.


Kontakizunaren baldintzak:

  • Proposatutako gaiarekin lotutako kontakizuna sormenezkoa eta eskuz edo Word formatuan idatzia izan behar da.
  • Haurrek 500 hitzetik beherako kontakizuna egingo dute eta, gazteek, berriz 1.000 hitzetik beherakoa. 

 

Sariak

Modalitate bakoitzean 3 sari emango dira, bai haurrentzat, bai gazteentzat:

Marrazki lehiaketa 

  • Lehen, bigarren eta hirugarren sariak: marrazketa eta pinturako kit bat.

Kontakizun laburren lehiaketa

  • Lehen saria: Kindle Scribe koaderno digital bat, istorio onak idazten jarraitzeko.
  • Bigarren eta hirugarren sariak: liburu eta idazketa sorta bat.

Gainera, lan irabazleak Arabako Foru Aldundiaren webgunera igo eta erakundearen sare sozialetan argitaratuko dira. 

Sarituen zerrenda eta sari banaketa behar bezala jakinaraziko dira.  

Sormen lan guztiek opari bat jasoko dute parte hartzeagatik, eta gure bulegoetan jasoko da. 
 

Lanak aurkezteko epea

Lana 2026ko urriaren 16ko 13:00ak arte entregatu dezakezu:

  • Aurrez aurre, Arabako Foru Aldundiko Lurralde Antolamenduaren eta Hirigintzaren Zerbitzuaren bulegoetan (Vitoria-Gasteiz, Probintzia plaza 5, 1. solairua), 08:15etik 14:30era.
  • Posta elektronikoz, hirigintza.urbanismo@araba.eus helbidera, gaian honakoa adierazita: Hirigintzaren Munduko Egunaren lehiaketa, eta eskaera orria beteta erantsita.  

 

Epaimahaia

Hirigintzarekin, diseinuarekin eta kulturarekin zerikusia duten teknikariak.

 

Parte hartu eta utzi aske zure irudimena!