Santiagoko Nekazaritza Azoka - araba

Nekazaritza Sailak Santiagoko Nekazaritza Azoka tradizionala antolatu du. 2024ko uztailaren 25ean izango da, Gasteizko Unibertsitate Campusean, eta Arabako nekazaritzaren ekoizleak bilduko dira, Arabako baserrietan landu eta hazitako nekazaritza- eta abeltzaintza-produktuen aukeraketa batekin. Santiagoko azokaren helburu nagusia da produktu horien aniztasuna eta aberastasuna ezagutaraztea eta nekazariek Arabako landa-ingurunearen garapenean eta kontserbazioan duten zeregina balioestea.