Neurriak

Informazio praktikoa

 

COVID-19ren harira hartutako prebentzio neurriak eta desekalatze faseko jarraibideak

Arabako Foru Aldundiak ondorengo neurriak hartu ditu COVID-19aren harira.

Gizarte Ongizaterako Foru Erakundearen (GOFE) bidez, Arabako Foru Aldundia unean-unean eguneratzen ari da bere zentro sozio-sanitarioetan jarraitu beharreko gomendioak eta prebentzio-jarraibideak, erabiltzaileak eta asistentzia-langileak babesteko asmoz, eta, bereziki, lurraldeko adinekoentzako eta desgaituentzako baliabideetan.

Bisitak:

  • Ekainaren 8etik aurrera: Araba osoko adinekoentzako egoitzetara joan ahal izango dira senideak bistan.
  • Ekainaren 15etik aurrera: ezgaitasun intelektualen bat duten pertsonentzako zentro okupazionalak ere martxan izango dira.

Bisitak egiteko protokoloa:

  • Bisitan joateko, derrigorrezkoa izango da aurretiko hitzordua eskatzea; pertsona bakarra joan ahal izango da egoiliar bakoitza ikustera eta, ahal dela, beti senide bera izan beharko da edo, askoz jota, bi, eta egunean ordu bete izango du egoiliarrarekin egoteko.
  • Bisitariari tenperatura neurtuko diote, eta zentroan dagoen bitartean maskara eta eskularruak erabili beharko ditu.
  • Senidea eta egoiliarra egoitzaren barruan horretarako gaitutako gune batean elkartuko dira, zeina sarreratik hurbil egongo baita, geletatik urruti eta ondo aireztatuta.
  • Zentroko profesional batek lagunduko dio sartzen eta irteten bisitariari, eta hurbil egongo da, beharrezkoa izanez gero laguntza emateko.
  • Egoiliarrak ere maskara izan beharko du jantzita, eta bisitaldiaren ostean altzariak desinfektatu beharko dira.
  • Egoiliarra isolaturik badago COVID-19 gaixotasunean positibo eman duelako edo prebentzio neurri gisa, senideak bisitatu ahal izango du, baldin eta bisitaldia moduluan horretarako egokitutako gune batean egiten bada eta haraino iristeko segurtasun ibilbidea prestatzen bada, beste egoiliar eta senide batzuekin ez gurutzatzeko. Kasu horietan, bisitariak maskara, pantaila, eskularruak, mantala eta oinetako babesak jantzi beharko ditu; ahal dela, bisitaria beti pertsona bera izango da; egunean gehienez ere 20 minutuz egon ahal izango da, eta ezingo du egoiliarrarekin kontaktu fisikorik izan.

Onartutako neurriak:

  • Adinekoen egoitzetan egoiliar berriak sartzeko ohiko dinamikara itzultzea ere espero da.
  • Martxoaren 13an, bizitzaren amaierako zaintzak jasotzen ari diren pertsonen senideek bisitak egiteko aukera jarri zen berriz abian eta, ordutik, aukera dago egoitzetako gaixo terminalarekin kontaktua izateko.
  • Maiatzaren 11n, beste pauso bat eman zen, eta koronabirusa ez duten egoiliarrei egoitzetako lorategietara ateratzeko aukera eman zieten, senideak ikusi eta agurtu ahal izan ditzaten; izan ere, egoitzaren esparrutik kanpo geratu behar dute senideek.
  • Hilaren 18az geroztik, abian dira berriz zentroetako ile apaindegi eta podologia zerbitzuak. Horrez gain, egun horretatik aurrera, bertako langileek ematen dituzten hainbat zerbitzu berriz martxan jartzen hasi dira egoitzak, esaterako, musikoterapia, psikoestimulazioa eta errehabilitazioa, eta gune komunak berriz erabiltzen hasi dira, era horretan zentroen funtzionamendua poliki-poliki normaltasunera itzul dadin. Bestalde, berriz ere ireki dituzte adinekoentzako eguneko zentroak, kasurik larrienak artatzeko.
  • Senideek egoitzetan edo ezgaitasunen bat dutenentzako etxebizitzetan dauden pertsonak bisitatu ahal izango dituzte, baina, kasu honetan ere, baldintzak oso zorrotzak izango dira eta segurtasun neurriak bermatu ditzaketen etxebizitzetan edota zentroetan soilik egin ahal izango dira bisitak.
  • Erabiltzaileak banakako irteerak egiten hasi ahal izango dira berriz.
  • Arreta Goiztiarreko Zerbitzua egiteke dituen balioespenak egiten hasiko zaie berriz garapen nahasmenduren bat duten edo izan dezaketen umeei, urrutiko euskarrien, txosten medikoen eta bideodeien bitartez.
  • Berriz abian dira familien etxeetan egiten diren esku hartzeak, bai eta adin txikikoek beren senideak ikusteko bisitak ere, zenbait mugarekin eta, ahal izanez gero, leku irekietan, eta martxan jarriko dira, halaber, talde jarduerak, baina normalean parte hartu ohi duten pertsona kopurua herenera murriztuta.
  • Aurrez aurreko arreta emango dute genero indarkeriaren biktima diren emakumeei laguntzeko Haga Foru Zerbitzuaren programa guztietan.

Aurretiko hitzordua GOFEren Informaziorako eta Gizarte Arretarako Bulegoan:

  • Gizarte Ongizaterako Foru Erakundearen (GOFE) egoitzan dagoen Informaziorako eta Gizarte Arretarako Bulegoan arreta ematen jarraituko dute aurretiko hitzordua eskatuta.
  • Gizarte langileak berriz ere hasiko dira etxeetan bisitak egiten.

Gizarte Ongizaterako Foru Erakundeak familiei eskatu die zentroetako langileen jarraibideak eta ezarritako neurri guztiak bete ditzatela, horien xedea egoitzan bizi direnak ez kutsatzea baita, azken finean.

  • Zadorra foru egoitza izango da Araban erreferentziazko egoitza COVID-19a duten adinekoak artatzeko.

  • Vitoria-Gasteizko eta Laudioko adinekoentzako foru-egoitzek eguneko zentroak gaituko dituzte COVID-19 koronabirusean positibo eman dezaketen edo arnas sintoma akutuak dituzten foru egoitzetako adineko pertsonei arreta esklusiboa eman diezaieten. 
  • Desgaitasun intelektuala duten pertsonak artatzeko egoitza: Lakuako eguneko egoitza izango da.
  • Eguneko zentro hauek, behar bezala gaituta, adinekoei aldi baterako egoitzaarreta eskaini ahal izango dietela espero da, beti ere ongizate- eta segurtasun-berme guztiekin; izan ere, egoitzei atxikita badaude ere, modu autonomoan funtzionatzen dute.

Foru Aldundiak Etxean Zurekin programa jarri du abian, mendekotasuna duten pertsonei zuzendutako etxeko laguntza profesionala indartzeko:

  • Hartzaileak: Kalera ez irteteko neurriagatik behar bereziak dituzten adinekoak eta desgaituak edota euren familiak.
  • Helburua: etxean oinarrizko lanak egiteko laguntza eta laguntasuna bermatuta izan dezaten, baita etxetik kanpo egin beharreko beste jarduera batzuetarako ere, hala nola jakiak eta botikak erosteko.
  • Telefonoa: 945 15 10 15.
  • Bulego guztiak itxita egongo dira herritarrentzat.
  • Premiazko gaiak, aldez aurretik hitzordua eskatuta erantzungo dira, 945 18 18 18 telefonora deituz.

Foru Ogasuna:

Arreta telefonikoa eta telematikoa 8:15etik 14:30era izango da, astelehenetik ostiralera.

Gizarte Ongizaterako Foru Erakundeak (GOFE):

  • Telefonoa: 945 15 10 15.

Nekazaritza Saila:

  • Premiazko gaiak aldez aurretik hitzordua eskatuta erantzungo dira, 945 18 18 18 telefonora deituz.
  • NPBko 2020ko laguntzen eskaera bakarra aurkezteko: Nekazaritza Bermatzeko Espainiako Funtsak (FEGA) eskaera aurkezteko epea gutxienez hilabetez luzatzeko eskatuko dio Europako Batzordeari.

Arabako Foru Ogasunak aldatu egin ditu Errenta Kanpainaren epeak, eta ekainaren 16an hasiko da aurrez aurreko arreta.

Era berean, online izapidetzea bultzatuko du, Rentared modalitatearen bidez.

  • Aurrez aurreko arreta (Rentaraba): osasun alertaren ondorioz, errenta aitorpena egiteko foru bulegoetan ematen den aurrez aurreko arreta ekainera arte atzeratu dute.
  • Rentaraba finantza erakundeen eta gestorien bidez: finantza erakundeek eta gestoriek errenta aitorpenak egiteko zerbitzua ematen jarraitzen badute, Foru Ogasunak likidazioak ohiko epean jasotzen jarraituko du (apiriletik ekainera bitartean). Dena den, likidazioak irailetik urrira bitartean jasotzeko aukera ere emango du.
  • Izapideak online, Rentafacil bidez: apirilean 100.000 zergaduni baino gehiagori bidaliko dizkiete aitorpen proposamenak posta bidez, aurreikusita zegoen bezala. Online (Internet bidez) edo telefono bidez onartu ahal izango dituzte proposamenak, eta 24/48 ordutan egingo dizkiete itzultzeak, aurreikusita zegoen bezala.
  • Rentafacil, proposamena aldatzeko: irailera arte atzeratu dute proposamenarekin ados ez dauden zergadunentzako Ogasuneko bulegoetan ematen den aurrez aurreko arreta zerbitzua. Gainerako bideak (Rentared, gestoriak eta finantza erakunde laguntzaileak) ohiko epeetan (apiriletik ekainera eta irailetik urrira bitartean) erabili ahal izango dira. 
  • Rentared: errenta aitorpena Internet bidez egiteko aukera ere izango da (apiriletik ekainera eta irailetik urrira bitartean). Itzultzeak 24/48 ordutan egingo dira, aurreikusita zegoen bezala.
  • Arabako eskola-kirola: Foru Aldundiak behin betiko amaitutzat eman du 2019-2020 eskola kiroleko programa.

Arabako Foru Aldundiak honako jarduera hauek etetea erabaki du:

  • Foru titulartasuneko aterpetxeetako egonaldiak eta jarduerak.
  • Eskola jarduerak eta programazioa, museo eta artxiboetan.
  • 3. adinekoen gelak eta taldeko jarduerak Kultur Etxean.
  • Arte Eszenikoen Tailerraren jarduera.
  • Martxoaren 28ko Etxe Jauregiko bisita gidatuak.
  • Arabako lurralde historikoko federazioen jarduera guztiak bertan behera geratuko dira martxoak 13tik aurrera, berriz has daitezkeela iragarri arte.
  • Arabako Museo Sarearen irekiera ekainaren 1ean: Arte Ederren Museoa, Bibat, Arma Museoa, Natura Zientzien Museoa eta Amarika aretoa zabalduko dituzte, baita La Hoya eta Iruña Veleia aztarnategiak eta Varonatarren dorrea ere.
  • Probintzia agiritegiaren irekiera maiatzaren 11n: datorren: gehienez ere 10 pertsona egon ahal izango dira aldi berean, eta agiri bereziak erabiltzeko protokolo berezi bat bete beharko da.

Liburuak itzultzeko protokoloa:

  • Eskaerak egiteko bi bide izango dira: Euskadiko Irakurketa Publikoko Sarearen katalogoaren bidez, erabiltzailearekin eta pasahitzarekin identifikatuta; edo, salbuespen gisa, 70 urtetik gorakoentzat edo Interneterako sarbiderik ez dutenentzat, 945 18 19 44 telefonora deituta, 9:00etatik 11:00etara.
  • Mailegu eskaera egin eta hurrengo egunetik aurrera jaso ahal izango da materiala, gehienez ere bi eguneko epean, liburutegiaren beheko solairuko erakusmahaian. Liburutegiak abisatuko du materiala prest dagoenean eta eskaera zenbakia emango du; zenbaki hori beharrezkoa izango da materiala hartu ahal izateko.
  • Material guztiak 21 egunerako mailegatuko dira, eta gehienez ere 3 dokumentu. Aldizkarien mailegua eta erreserbatzeko aukera etenda egongo dira, besterik adierazten ez den bitartean.
  • Materiala itzultzeko, ekainaren 1etik aurrera ezarritako protokolo berberari jarraituko zaio, baina desberdintasun batekin: hemendik aurrera, materiala 7 egunez egongo da berrogeialdian, osasun agintariek hala agindu dutelako.
  • Liburutegira sartzeko, eta erabiltzaileak zein langileak babesteko, aurrerantzean ere nahitaezkoa izango da maskara jantzita eramatea eta eskuak hidrogelez garbitzea, zeina eskura jarriko baita. Bakarrik joan behar da, salbu 14 urtetik beherakoak; azken horiek beste norbaitekin joan beharko dira. Gainerako gelak eta komunak itxita egongo dira.
  • Gogorarazi behar da titularra ez den beste pertsona batek itzul dezakeela materiala, bai eta jaso ere (eskaera zenbakiarekin). Hala ere materiala itzultzeko zailtasunen bat izanez gero (oporrak, ordutegia dela-eta ezin joan…), horren berri eman behar da telefonoz, zigorrik ez jartzeko.

Aldaketak zerbitzuan:

  • Ekainaren 8tik aurrera, foru-garraioa zerbitzuen % 100era iritsiko da deseskaladako 3. fasean.
  • AlavaBuseko lineen ordutegi eta maiztasun berriak kontsultatzeko: AlavaBusen webgunea.

Prebentzio neurriak:

  • BAT txartela izango da, baliozko ordainketa-bide bakarra (ezin izango da ez txanponik ez txartelik erabili).
  • Bidaiariek atzeko atetik sartu beharko dute.
  • Maskara erabiltzea nahitaezkoa da.
  • Autobusen lehen lerroetako eserlekuak mugatu egingo dira erabilera publikorako.
  • Herritarrentzako arreta-guneetan metro bateko neurri fisikoak ezarriko dira bidaiari eta operadoreen artean.
  • Autobusen desinfekzioa indartu egingo da.
  • Arabako landagune txikiak eskualdeburuekin lotzen dituen Eskualdeko Garraio Zerbitzua, kasu gehienetan turismoekin ematen dena, eskudirutan ordaintzen jarraitu ahal izango da, baina, ahal bada, BAT txartelaren edo beste baliabide telematikoen bidez ordaintzen saiatuko da. Kontaktu intentsiboko guneetan ere garbitasun neurriak indartuko dira: eskulekuak, burualdeak, segurtasun uhala.

Azken eguneraketa: 2020/06/14

Neurri fiskalak

Arabako Foru Aldundiko Foru Gobernu Kontseiluak honako erabaki hauek onetsi ditu COVID-19 gaixotasunaren ondorio ekonomikoei aurre egiteko presako zerga neurriei dagokienez.

 

Zerga Premiari buruzko 6/2020 Foru Dekretuaren bidez, epe berriak onetsi dira zenbait aitorpen eta autolikidazio aurkezteko eta ordaintzeko:

  • 2020ko otsaileko hileko autolikidazioak aurkezteko eta ordaintzeko borondatezko epea 2020ko ekainaren 5era artekoa izango da, egun hori barne.
  • 2020ko martxoko hileko autolikidazioak aurkezteko eta ordaintzeko borondatezko epea 2020ko ekainaren 15era artekoa izango da, egun hori barne.
  • 2020ko apirileko hileko autolikidazioak aurkezteko eta ordaintzeko borondatezko epeak 2020ko maiatzaren 25era artekoa izaten jarraituko du, egun hori barne.
  • 2020ko maiatzeko hileko autolikidazioak aurkezteko eta ordaintzeko borondatezko epea 2020ko uztailaren 5era artekoa izango da, egun hori barne.
  • Berehalako informazio hornidurarekin lotutako betebeharrak eta Foru Ogasunari aldian behin informazioa emateko antzeko betebeharrak egunean izan beharko dira 2020ko ekainaren 30erako.
  • Autolikidazioak aurkeztu eta ordaintzeko epea 2020ko martxoaren 14a baino lehen amaituta ez zuten aldizkakoak ez diren zergen epea 2020ko ekainaren 1ean hasiko da zenbatzen.

2019ko Errenta-kanpaina >

2019ko Sozietateen kanpaina >

Kultura etxez etxe

Etxetik museo, historia, arkitektura eta kultura ondareaz gozatu ahal izateko ekintzak.

"Arabako ondare historikoaren kultura sareak" storymapak erakusten duen informazioa automatikoki esportatzen da datu base bakar batetik, "ondare historiko-arkitektonikoaren dokumentu funtsak" izenekoa. Horrela, informazio guztia zentralizatuta dago, eskuragarri dago eta etengabe eguneratzen da.

Foru aldundiak Agiritegian gordetako dokumentazioaren katalogoa linean zabaltzeko sortu da Arabadok, eta testu funtsen, kartografien, argazkien eta musikaren atalen bidez, erabiltzaileak erregistro katalografikoetara eta haien irudi digitalizatuetara jo dezake.

Arte eta Lanbide Eskolak webgunean atal bat jarri du "Etxetik sortzeko". Atal horretan, arte plastikoen inguruko sormena landu nahi da, eta ikastetxeko irakasleek proposamenak egingo dizkiete haurrei, gazteei eta helduei edozein diziplinatan esperimentatzeko, ikasteko eta gozatzeko.

Hondakinen kudeaketa

Hondakinen kudeaketarako jarraibideak bai herritarrentzat orokorrean, baita koronabirusean positibo eman dutenentzat edo koarentenan daudenentzat ere.

Jarduteko informazioa eta gomendio orokorrak

Koronabirusak animalietan zein gizakietan aurkitzen diren birus familia zabal bat dira. Batzuek gizakia infektatu egiten dute, eta hainbat gaixotasun eragin ditzakete, hala nola, hotzeria arrunta; gaixotasun larriagoak ere badaude, hala nola, ‎ Ekialde Hurbileko arnas sindromea (MERS) eta arnas sindrome akutu larria (SRAS).

Nahiz eta ez den zehazki ezagutzen, antzeko birusek eragindako beste infekzio batzuekiko analogiagatik, badirudi kutsatutako animaliekiko kontaktuaren bidez edo gaixoaren eztularekin eta doministikuarekin sortzen diren arnas jariakinekiko kontaktu estuaren bidez transmitituko litzatekeela. Sekrezio horiek beste pertsona bat kutsatuko lukete haren sudurra, begiak edo ahoa ukituz gero.

  • Garbitu eskuak sarritan.

  • Eztul edo doministiku egitean, estali ahoa eta sudurra ukondoarekin edo zapi batekin. Bota zapia berehala eta garbitu eskuak alkoholez egindako eskuetako desinfektatzaile batekin edo ur eta xaboiarekin.

  • Eztula edo doministiku egin eta sukarra duten pertsonetatik metro batera egon gutxienez.

  • Ez ukitu begiak, sudurra eta ahoa.

  • Eskuen ukitze-eremuetan garbitasuna areagotu, etxean zein leku publikoetan.

Sintoma ohikoenak eztula, eztarriko mina, sukarra eta aire faltaren sentsazioa dira. Kasu gehienak sukarra duen arnas infekzio bati dagozkio. Larritasun handiagoko kasu batzuk egon daitezke, oso gutxitan infekzioak pneumonia eragin dezake; kasu horietan, pazienteak arnasa hartzeko zailtasun handia du eta aire-faltaren sentsazioa, sukar altuarekin. Tratamenduari erantzuten ez dioten paziente larrietan, eta, bereziki, aurretik gaixotasunen bat badute, konplikazio larriagoak izan ditzakete, eta hil ere egin daitezke. Kasurik larrienak, normalean, adinekoetan ematen dira, edo beste gaixotasunen bat dutenen artean, hala nola bihotzekoak, birikak edo immunitate-arazoak.

  • Arrisku eremu batera bidaiatu badut, ez joan osasun-zentrora, etxean geratu, 900 20 30 50 telefonora deitu, eta beste pertsonengandik 2 metroko distantzia mantendu.
  • Arrisku-eremu batera bidaiatu ez badut, saihestu esparru itxietako ekitaldi kolektiboetara joatea edo zentro soziosanitarioak bezalako erakundeak bisitatzea.

OMEk zabaldutako datuak direla eta, tamaina ertaineko tanten bidez transmititzen den gaixotasuna da. Horrek esan nahi du kutsatzea ukitu edo doministiku egiten duen pertsonarengandik metro edo metro eta erdira irits daitekeela.

Behin pertsona bat koronabirusak kutsatzen duenean, sintomak gripearen oso antzekoak izan ohi dira, hau da, eztula, eztarriko mina, arnasa hartzeko zailtasuna edo artikulazioetako mina. Kutsatutako pertsonen heriotza-tasa % 2 da. Horrek esan nahi du birusa hartzen duten pertsona gehienak sendatu egiten direla.

Gaur-gaurkoz, hauxe da gomendioa: gaixotasuna transmititzeko gune batera joan bazara eta arnas sintomak badituzu, hala nola eztula, sukarra, eztarriko mina edo arnasa hartzeko zailtasuna, etxean geratu behar duzu eta Osasun Kontseilura deitu (900 20 30 50).

OMEren arabera, 2019-nCoV birusak pertsonei eragiten dien moduari buruzko xehetasun gehiago jakin behar ditugu oraindik ere; oraingoz, adinekoek eta aurretik gaixo daudenek (diabetesa eta kardiopatiak dituztenak, esaterako)arrisku handiagoa dute ‎ gaixotasunaren forma larria izateko.

Inkubazio-aldia da ‎ infekzioaren eta gaixotasunaren sintoma klinikoen agerpenaren arteko denbora-tartea. Gaur egungo kalkuluen arabera, inkubazio-aldia 1 eta 14 egun bitartekoa da; batez beste, 5-6 egun. Estimazio horiek eguneratzen joango dira, datu gehiago eskuratu ahala. Koronabirusak eragindako beste gaixotasun batzuei buruz eskura dagoen informazioan oinarrituta (MERS eta SARS, besteak beste), 2019-nCoV aldiko ‎ inkubazio-aldia 14 egunekoa izan daitekeela kalkulatzen da. ‎ OMEk gomendatzen du baieztatutako kasuen kontaktuen jarraipena 14 egunekoa izatea.

Maskarek funtzio bat betetzen dute: birusaren hedapena saihestea. Horregatik, maskara jarri behar duena arnas infekzioaren sintomak dituena da. Hala, pertsona bat sintoma horiekin osasun zentroren batera joaten denean maskara jarri behar du, inguruan dauden gainerako pertsonak ez kutsatzeko. Adinekoekin edo immunodeprimituekin kontaktua duten pertsonei maskarak jartzea ere gomendagarria da.

Edonola ere, arnas gaixotasunen bat (koronabirusa ere bai) ez zabaltzeko neurririk eraginkorrena eskuak garbitzea da.

  • Txina (probintzia guztiak, Hong Kong eta Macao barne); arriskua handiagoa da Hubei probintzian, non intentsitate handiagoko transmisio komunitario jarraitua egon den.
  • Hego Korea
  • Japonia
  • Singapur
  • Iran
  • Italia (Lonbardia, Veneto, Emilia-Romaña, Piamonte eskualdeak).

Ez zaie jarri inolako murrizketarik bidaiei, baina birusak eragindako lurraldeetara ez bidaiatzea gomendatzen da, ezinbestekoa ez bada. Horrez gainera, komeni da aurretik jakitea destinoko lekuan nolabaiteko murrizketarik ezarri duten agintariek.

 Aholkatzen da, orokorrean eta, bereziki, Hubeiko probintzian, gutxi egindako haragirik ez jatea eta bizirik edo hilda dauden animalia basatiekin edo etxe-animaliekin hurbileko kontakturik ez izatea. Horrez gainera, higiene-neurriak areagotu behar dira arnas-infekzioak dituzten eta birusak eragindako eremuan berriki egon diren pertsonekin kontaktua izanez gero.

Osasun Ministerioak honako web-orrian eguneratzen ditu bidaiarientzako gomendioak: https://www.mscbs.gob.es/profesionales/saludPublica/sanidadExterior/salud/home.htm

Leku hauetatik itzultzen diren eta osasun-arazorik ez duten pertsonek bizimodu normala egin dezakete familiarekin eta lagunekin, eta, orokorrean, baita eskola eta lan eremuan ere.

Bidaiatik itzuli ondorengo bi asteetan arnas-infekzio akutu batenak izan daitezkeen sintomak izanez gero, hala nola, sukarra, eztula edo aire-faltaren sentsazioa, etxean edo ostatuan geratu behar duzu eta berehala jarri behar duzu Osasun Aholkuarekin (900 20 30 50)  harremanetan. Osasun-zerbitzuek ebaluatuko dute zure osasun-egoera, bidaiaren aurrekaria eta koronabirus-kasuekin kontakturik izan duzun.

Europako Batzordeak ez du aparteko neurririk hartu giza kontsumorako edo erabilerarako transmizio-eremuetatik datozen salgaiei egiten zaizkien kontrol ofizialei dagokienez. Oraingoz, beraz, orain arteko gomendio berberak aplikatuko dira, eta ez dago salgaiei buruzko inolako murrizketarik ez gomendio berezirik.

Ez dakigu ziur zenbat denbora irauten duen COVID-19 birusak gainazal batean, baina badirudi beste koronabirus batzuek bezala jokatzen duela. Egindako azterketek (COVID-19 birusari buruz eskuragarri dagoen aurretiazko informazioa barne) koronabirusak azalera batean ordu gutxi batzuetatik egun batzuetara arte iraun dezaketela adierazten dute. Eguraldia baldintzen arabera alda daiteke (adibidez, gainazal mota, tenperatura edo ingurunearen hezetasuna).

Gainazal bat kutsatuta egon daitekeela uste baduzu, garbitu desinfektatzaile komun batekin, birusa hiltzeko eta zeure burua eta besteak babesteko. Garbitu eskuak alkoholdun desinfektatzaile batekin edo ur eta xaboiarekin. Ez ukitu begiak, ahoa edo sudurra.

COVID-19 appa

Osakidetzaren COVID-19 appak hiru helburu ditu: prebentzioa, etxeetan egon daitezkeen kasuen jarraipen handiagoa eta kasu-kontzentrazioaren analisia.

Deskargatzeko:

Argitaratutako arauen bilduma

Covid-19aren Osasun Krisiari buruzko estatuko eta autonomia erkidegoko araudiaren kode elektronikoa argitaratu du Estatuko Aldizkari Ofizialak.