Esku artean

• Alfombra roja.
• Alberto Peral, 2004.
• Zura, zeramika eta artilezko zuntza Euskal
• Herriko Arte Garaikideko Museoaren Bilduma.
• Artium Museoa

Alfonbraren gainean jarritako zeramikazko piezen egonkortasuna eta segurtasuna arriskuan jartzen dira erakusketan Zuloa aprobetxatuta, kontserbazio prebentiboko sistema bat garatzen da, erabat itzulgarria, ehunari presionatutako foam piezetan oinarritua, ainguraketa puntu ezkutu gisa.

• Frantses estiloko eskrimako floretea.
• Vives y Cía.
• XIX XX. Mendeak
• Altzairua, kobrea , landare zuntza, larru
• gordina eta goma.
• Arabako Arma Museoa
• Arabako Foru Aldundia.

Floretearen xafla kopatuta dago, eta horrek adieraz lezake eskrima ikasteko erabili zela Metalezko elementuak pixka bat herdoilduta zeuden, eta azaleko zikinkeria zuten Tratamendua zikinkeria ezabatzea, material organikoz egindako zatiak hidratatzea eta metalak babestea izan zen.

• 119 txanponen multzoa
• Zilarra
• Behin behineko G obernua II. Errepublika (1869 - 1933).
• Gasteizko herrigune historikoa
• Arabako Arkeologia Museoa

Material arkeologikoaren artean hain zaharrak ez diren objektuak ere badaude hala nola Gerra Zibila hasi aurreko txanpon ezkutuok Ia ehun urtez lurperatuta egon ondoren txanpon batzuek korrosio aurreratuagoa zuten eta beste batzuek berriz ez hain beste Korrosio horrek zenbaitetan azalaren zati bat ezkutatzen zuen Kontu handiz garbitu egonkortu eta babestu ziren.

• Erdi Aroko lau dokumentu, pergaminoaren gainean eskuz idatziak , zigilua zintzilik dutela
• Pergaminoa , zeta, beruna eta argizaria
• Datatze tartea : 1380 1420.
• Quejana Kexaa , Aiala ( Arabako Artxiboa A.F.A.

Dokumentu zigilatuek gordetze eta maneiu arazoak sortzen dituzte Hori dela eta, poliki poliki hondatuz doaz Kordoiak deshidratatuta eta apurtuta zeuden Zigiluak bereizita zeudenez, arriskua zegoen haiek galtzeko Gainera, pergaminoek deshidratazioa eta tolesturak zituzten, eta horrek zaildu egiten zuen haiek irekitzea Kalte horiek zuzendu eta babes eraginkorra emango dien kutxa egokitu bat egin da

150 hilabete daramatzagu esku artean duguna hurbiltzen.

Gure lanarekin jarraitzen dugu: Arabako ondarea kontserbatzea eta zaharberritzea

• Elvira de Ceballosen hilobia
• Alabastroa
• Ferrán González.1399
• Virgen del Cabelloko kapera
• San Joan Bataiatzailearen Komentua
• Kexaako Monumentu Multzoa. Aiara (Araba)

Kultura ondasunak dauden lekuko ingurumen baldintzak ebaluatzeko, zenbait faktore neurtu behar dira ( hezetasun erlatiboa, argia), eta datu nahikoa lortu behar da sistematikoki Ondoren informazio hori aztertzeak aukera emango du kontrol egokia egiteko eta obren kontserbazioan eraginkortasun handiagoa lortzeko.

• San Domingo
• Lope de Larrea
• Urre koloreko zurezko tailu polikromatua
• 1546-1623
• Karmengo Amaren erretaula
• Done Joan Bataiatzailearen eliza
• Agurain

Tailuaren dekorazioek garaiko ehunak imitatzen dituzte, eta esgrafiatzeko eta erregosteko teknikekin eginak daude, hau da, urre koloreko xafla pintzelarekin marratuta eta apainduta dago Polikromiak aztertzea Arabako Foru Aldundiak eta Gasteizko Gotzaindegiak osatutako batzorde mistoaren hitzarmenaren kontserbazio eta zaharberrikuntza jardueraren zati da.

• San Frantzisko belau niko meditatzen
• El Greco.
• 1586-1592.
• Mihise gaineko olio pintura.
• Vitoria-Gasteizko Elizbarrutiko Arte Sakratuaren Museoa.

Obra Arabako Foru Aldundiaren jabetzakoa da, eta Milanen egiten ari den Grekoa labirintoan izeneko erakusketarako maileguz eman du.

Obra bat mailegatzean mezulariak zeregin garrantzitsua dauka obra kontserbatzeaz haren paketatzea gainbegiratzeaz lekualdaketaz bilgarria kentzeaz eta erakusketa gelan instalatzeaz arduratzen den pertsona espezializatua da.

• Horma pintura.
• Pigmentua, aglutinatzailea , morteroa
• XIII. mendearen amaiera XIV. mendearen hasiera
• San Bizente Martiriaren eliza
• Miñao Gutxia
• Miñao Gutxiko Administrazio Batzarra

Gangetako hezetasun filtrazioen ondorioz zenbait kare geruza erori ziren eta marrazki geometrikoko horma pintura gorri bat agerian geratu zen Toki Erakundeei dirulaguntzak emateko programaren barruan adituak pinturen hedadura eta kontserbazio egoera ezagutzeko azterketa leihoak egiten ari dira baita tratamendurako probak ere, asmoa baita hurrengo esku hartze batean horma pinturok argitara ateratzea zaharberritzea eta aztertzea.

• Piano karratua edo mahaikoa.

• Broadwood & Son.

• Zura, letoia , altzairua , ehuna eta marfila.

• 1792.

• Arabako Foru Aldundia.

Anoxia intsektu xilofagoak aurkitu diren obretan aplikatzen da Pianoa sartu den poltsaren barruko oxigenoaren ordez nitrogenoa jarri da Oxigenorik ezak intsektuak hiltzen ditu edozein fase biologikotan Sendatzeko tratamendua da, ez prebentziozkoa eta, beraz gero zaintzen jarraitu behar da.

• Done Ezteberen erretaula. 

• Pedro de Ayala. 

• Zur polikromatua eta urreztatua. 

• XVII. mendearen lehen erdia. 

• Done Eztebe eliza. 

• Zurbao, Araba. 
   

Erretaulak berniz metatuen geruza lodi bat zuen, eta zur materialen ahultzea eta galera puntuala. Tratamenduan honako hauek dira: polikromiak finkatu, babes geruzak kendu, euskarria sendotu eta elementuen berritze puntualak. 

• Bisita gidatuen programa. 

• 2000. bisitaria. 

• Zaharberrikuntza Zerbitzua. 

• Arabako Foru Aldundia.

Gure bisita gidatuen programa sendotu egin da, eta... 2000. pertsona hartu dugu dagoeneko! Gure instalazioak ikusteko egiten den ibilbidean, hurbiletik ezagutzen dira gure lana, esku hartzeko irizpideak eta atal guztietan erabiltzen diren metodologiak. Hitzordua eska dezakezu hemen: restauraciones@araba.eus l 945 182 050.

• Telegraforako errelea.

• Beira, metala eta zura.

• XIX-XX. mendeak.

• Natura Zientzien Museoa.

• Arabako Foru Aldundia.

Errelea gailu elektromagnetiko bat da, etengailu baten moduan funtzionatzen duena. Joseph Henryk asmatu zuen 1834an. Telegraforako errele horrek (Gasteizko seminarioko laborategi zaharretik datorrena) zikinkeria, korrosioa, deformazioa eta elementu batzuen haustura zituen.

• Sergio Prego. 00

• Pared Abultada.

• Papel, aluminio, polímero sintético.

• 2014.

• Euskal Herriko Arte Garaikidearen Artium Museoa. Vitoria-Gasteiz.

• Depósito Aitor Salegui Escolano

Badirudi bi haizagailuk presurizatutako mintz plastiko bat hormatik askatzen dela, eta imanen bidez instalatutako 17 marrazki ikusten dira. Muntaketa errazteko eta deformazioak saihesteko, neurrira egindako kartoizko euskarriak egin ziren, imandutako xaflez partzialki forratuak.

• Done Petrik eta done Joanek paralitikoa sendatzea .

• Ginés de Aguirre.

• Mihise gaineko olio pintura.

• 1764.

• Done Petri eliza .

• Menagarai Araba. 

Lan hau kontserbazio egoera txarrean zegoen nabarmen baitziren tamaina handiko mihise honetan deformazioak hausturak eta berniz zaharren oxidazioa Euskarria tratatu du eta polikromia eta krakeladurak sendotu dira zikinkeria geruza eta bernizak kenduz Aldundiaren eta Gotzaintzaren arteko Batzorde Mistoaren hitzarmenaren bidez gauzatu da esku hartzea

• Extraviada

• Ignacio Díaz Olano

• Mihise gaineko olio pintura

• 1894

• Arabako Arte Ederren Museoa
  (partikular baten gordailua)

Esku hartu baino lehenago bernizaren izaera eta degradazioa ezagutzeko azterlanak egin dira Era berean gainazalaren pH ren eta eroankortasunaren neurketak egin dira kontserbazio egoera txarrean zegoen babes geruza ezabatzeko bide egokia aukeratzeko asmoz

• Danimarkako errege Frederick VI.arena
  iritzitako sablea.

• Altzairua, latoi urreztatua eta nakarra

• Danimarka, 1820 inguru

• The Royal Danish Collection. Rosemborg

Kopenhageko Rosenborg Museoak Arabako Arma Museoari sablea lagatzea Collection Care proiektu europarraren barruan kokatzen da Ekintza horrek balio du tenperatura hezetasun erlatibo argi bibrazio eta kutsagarri parametroak kontrolatzeko garatutako gailu berriak testatzeko Arabako Museora heldu Zaharberrikuntza Zerbitzuko teknikariek aztertu zuten kontserbazio egoera onean zegoela egiaztatzeko

• Titulurik gabe 

• Gema Intxausti. 1988

• Témpera, cera y acero 

Artium Museoaren 20 urteurrena ospatzeko duela gutxi zaharberritu den bere obretako bat aurkeztuko dugu Metalak eta tenperak kalteak zituen eta iltzeei eusten zien argizariak ia desagertuta zegoen Sistema egonkor baten bila pintatutako iltzeak ordezkatu izan ziren eta oinarri erauzgarri baten gainean soldatu izan ziren Beste argizari isuri bat egin zen eta berarekin artistak lerroak marraztu zituen jadanik onbideratua zegoen metalaren gainean.

• Erromatar zeramika margotuta
• V. mendea
• Las Ermitas (Espejo, Araba)
• Arabako Arkeologi Museoa . BIBAT

Askotan, zeramikazko ontzi arkeologikoen gainazala mendeetan zehar lurperatuta egotearen ondoriozko karbonato konkrezio gogorrez estalita dago Konkrezio horiek, kasu honetan pitxer baten dekorazio margotua behatzea zailtzen dutenak, kontu handiz kendu behar dira bisturi punta batekin mikroskopio bidez

• Lan baten espedientea Ondarearen Zaharberrikuntza datu basean sartzea.

Gure lanaren funtsezko zati bat da erregistratzea obrei kontserbazio egoeraren diagnostikoei analitikei eta egindako tratamenduen txostenei buruzko informazioa bilatzean sortutako dokumentazio guztia Garrantzitsua da, halaber espedienteen administrazio izapidetzeak sortutako dokumentazioa kudeatzea eta artxibatzea.

• Relieve de acción pública
• José Antonio Sistiaga
• 1967
• Kontratxapatua, itsatsitako imanekin margotua
• ARTIUM Centro Museo Vasco de Arte Contemporáneo
• Vitoria-Gasteiz

ARTIUM museoan, Pentsatzeko leku bat 2022 ko urtarrila ekaina) erakusketaren parte da obra. Intsektu xilofagoen erasoa jasan zuenez, Zaharberrikuntza Zerbitzura eraman zen, anoxiaren bidezko tratamendua jasotzeko. Ondoren, pieza askatuak finkatu dira eta unean uneko deformazioak kendu dira

• Gumia zorroarekin.
• Altzairua, kobrezko aleazioa, zura eta esmalteak.
• XX. mendea.
• Arma Museoa.
• Arabako Foru Aldundia

Museotik kanpo aldi baterako erakusketa bat egiteko obra bat mailegatu aurretik, haren kontserbazio-egoera aztertzen da. Pieza egoera onean badago, maileguan ematen da. Behar izanez gero, esku hartzen da. Daga eta zorro hori azaletik tratatu dira, gantz-hondarrak kentzeko eta esmalteak sendotzeko.

• Gurutzea
• Harri landua
• XVI. mendea
• Opakua

Hamarkada luzez Opakutik kanpoko onibar pribatu batean egon ondoren, XVI mendeko harrizko gurutzea Opakura, jatorrizko lekura, itzuli da Lekualdaketa toki erakundeei dirulaguntzak emateko deialdiari esker egin da Gurutzearen lekualdatzean eta muntaketan beharrezko kontserbazio neurri guztiak hartu dira

• Sortzez Garbiaren erretaula
• Salvador Jordani egotzia mihisea
• Zur urreztatua eta polikromatua eta mihise gaineko olio pintura.
• XVIII mendea San Andrés eleiza .
• Armiñón, Araba

Multzoaren kontserbazio egoera txarra da, eta tamaina handiko mihise honetan deformazioak hausturak eta bernizaren oxidazioa nabarmentzen dira Gaur egun euskarria tratatu da, polikromia finkatu babes geruza kendu eta pintura hutsunean iztukatu dira.

• Apaintzeko platerak
• Hautin Boulenger & Cie. Faïence de Choisy le Roi Frantzia, circa 1870
• Arabako Fournier Karta Museoa
• Arabako Foru Aldundia

Nahiz eta hauskorrak izan, bi plater frantses hauek kolore orotako karta irudiekin apainduak oso kontserbazio egoera onean daude. Garbiketa leun baten ondoren, bilgarri egoki bat egin da behar bezala kontserbatzeko

• Animalien tarota karta sortarako kutxa.
• DAVELUY, Brujas (Bélgica), c. 1900.
• Kartoia, muare-papera, kromolitofrafia.
• Arabako Fournier Karta Museoa.
• Arabako Foru Aldundia.

Kutxa apurtuta zegoen, eta norbaitek -adituei gladetu gabe- erabaki zuen zelo zintza itsasgarriarekin itsastea. Ez dakigu noiz, baina litekeena da 1970ean erosi baino lehenago egin izana. Denborarekin, zitak, nola herdoildu egin den, papera zikindu eta ilundu su. Ahal den neurrian, tsasgarriaren hodarrak kenduko dira eta solte geratzen diren piezak itsatsiko dira..

• Belarjaleen hezurrak.
• Los Cascajos (Tobera, Araba)
• Neolito- Kalkolitoa.
• Arabako Foru Andundia.

Los Cascajos aztarnategian aurkitutako faunaren hezur hondakinak kontserbazio egoera zailean daude eta kontserbatzeko in situ prozedura bat behar izaten dute Zaharberrikuntza laborategira eraman aurretik Kasu horietan tratamendu finkatzaileak egiten dira erauzketa errazteko.

• Martiodako erlikitegi multzoa.
• Hezurra, ehuna, zur urreztatua eta polikromatua, metala, papera, pergaminoa, etab..
• XVI - XVII mendeak
• Arabako Foru Aldundia

Martiodako Done Joan Ebanjelariaren elizako erlikien multzoari buruz diziplina anitzeko talde batek 5 urte baino gehiagoko ikerketa zaharberritze eta kontserbazioa egin ondoren lan horren azken emaitza erakusten dugu Arabako Arte Ederren Museoa 2021k maiatzaren 28tik 2022k urtarrilaren 16ra.

• Japoniako sablea edo Katana 1124 zk
• Altzairua, burdina , kobrea , zura, urrea, zilarra eta arraia azala
• XIX. mendea . Edo aldia eta Meiji aroa
• Arma Museoa
• Arabako Foru Aldundia.

Erabileraz sortutako berezko higadura ageri du sableak Koipez eta hautsez zikinduta eta herdoilduta dago Tsuba aoi edo esku babesak urre eta laka gorri hondarrak dituela agertu da tratamenduan Menuki delakoa, balio handieneko zatia, eskutokian dago eta naginata bat irudikatzen du, xafla makotuko lantza gisako bat Bere gorputza, kobre urreztatuzkoa eta kin iroe zogan ez apaindua, eta zilarrezko xafla egoera onean daude.

• Triku harria: Sorginaren Txabola
• Bilar. Arabako Errioxa
• Eneolito / Kalkolitoa
• Harria.

Batzuetan gure ondarea kontserbatu edo zaharberritzeko in situ egiten diren esku hartzeen helburua bandalismo ekintzei konponbidea jartzea izaten da.

Oraingo honetan harrizko gainazal batean errotuladorearekin egindako inskripzioak dira zeinak kontu handiz ezabatu baitira bitarteko mekanikoak erabiliz.

• Haidate.
• 679 zbk. samurai armadura.
• Edo aroa.
• Beltzez lakatutako egurra, larrua, zeta eta kotoia.
• Arma Museoa.
• Arabako Foru Aldundia

Euskal Herriko Unibertsitatearen eta Arabako Foru Aldundiaren arteko hitzarmenari esker, hilabete honetan, praktiketako beste ikasle batek egonaldia hasiko du Zaharberrikuntza Zerbitzuko teknikarien eskutik jasoko du prestakuntza, eta aukera izango du gure lan metodologia eta esku hartze irizpideak ezagutzeko, eta obren tratamenduan lagunduko du, zenbait ataletan eta egingo diren bisita teknikoetan.

• 1.- Kolore neurria espektrofotometroarekin.
• 2.- Ukipen belakiaren bidez ura
  xurgatzeko neurria.
• 3.- Konposizio kimikoaren analisia
  x izpien fluoreszentzia bidez.
• 4.- Euskarriaren heziketa hartzea.

Arabako Foru Aldundiko Laborategi Orokorreko Zerbitzuak eta Zaharberrikuntza Zerbitzuak gure ondareko harrizko materiala aztertzen laguntzen dute, jakiteko zer nolako eraginkorrak diren egindako tratamenduak eta zer nolako bilakaera izan duten, eta etorkizuneko haien mantentze lanak kudeatzeko. Eskerrik asko Laborategi Orokorreari lanerako prest egoteagatik, eta zorionak lanean emandako 50 urteengatik. Zorionak!

• Mapak gordetzeko altzariak
• José Reinoso y Torija,
• Madril, 1883
• Kromolitografia, konifero egurra
• Lantenoko (Aiara, Araba) eskolak

Bi altzari biki dira, oihaleztatutako hiru eskola mapako biribilki bat dutenak. Biradera bidez biribilkatzeko eta mugitzeko eskuzko sistema bat dute. Narriadura larriko egoeran zeuden, eta ezin zituzten erabili.
Papera askatuta, urratuta eta zatikatuta zegoen, eta egurra ahulduta xilofagoen erasoaren ondorioz. Pusketa solteak pilatzen ziren altzarien hondoan

• Funtsa: Kartak.
• Arabako Fournier Karta Museoa.
• Arabako Foru Aldundia.

Urtero, gutxi gorabehera 1.000 karta sorta egokitzen dira kontserbazio kutxetan. Guztira, 21.500 sortatan esku hartu da jada. Horretarako diseinaturi dagoen kutxak oso babes eraginkorra eskaintzen die kanpoko narriadura agenteei, kalteak saihestu eta murrizten baititu. Prebentziozko kontserbatziorako tresna da

• Maria Magdalena penitentzigilea
• Anonimoa
• XVII. mendea
• Olio-pintura
• Arabako Foru Aldundia

Koadro honek kolore hutsuneak edo galerak zituen, krakelatuak eta pitzadurak, ukitu oliotsuak eta obraren kromatismoa ezkutatzen zuen berniz herdoilduko geruza bat. Disolbagarritasun testa egin ondoren, berniz herdoildua kentzen zen.

• Standard men (generic) for a standard wheel.
• 1990
• Miren Arenzana
• Polimeroak, Zura, Metala, Pintura.
• Artium. Arte Garaikideko Euskal Zentro-Museoa

Obra duela gutxi iritsi zen museora, zati hondatuak eta materialetako batzuk nabarmen zaharkituta zituela, jasandako zenbait gorabeheraren ondorioz. Piezaren jatorrizko egoera erakusten duen agiririk ez zegoenez, artistak parte hartu behar izan du, galdutako bolumenak berrinterpretatzeko eta zaharberritze tratamendu integralaren esparrua mugatzeko.

• Klaustroaren arkua
• Santo Domingo komentua, (desagertua)
• XVI. mendea
• Vitoria-Gasteiz

Eusko Legebiltzarraren 40. urteurreneko ekitaldien barruan dago Santo Domingo komentuko arkua zaharberritu eta Legebiltzarraren lorategietara eramatea, han egon baitzen eraikina institutua izan zenean. Legebiltzarrak finantzatu du proiektua. AFAko Zaharberrikuntza Zerbitzua aholkularitzan eta zuzendaritza teknikoan laguntzen ari da.

Zaharberrikuntza Zerbitzuko langileak pixkanaka pixkanaka ari dira lanera itzultzen, kontuan hartuta Ondarea zaintzeko beharra eta Sailaren kudeaketa bera. Ohituta geundenez oso bestelako errutina eta protokoloekin, talde lanean —bat edo beste etxetik— egoera berrira egokitzen ari gara, konfiantzaz.

«Pazientzia dutenei, galerak irabazi bihurtzen zaizkie, lanak meritu eta guduak koroa».
Fray Luis de Granada
XVI. mendea

Oraindik ez gaude %100ean, baina laster egongo gara. Bitartean, koroak ekartzen ditugu, baina besteen koroak. Zaharberrikuntza Zerbitzuak egindako tratamendua behar ohi dutenak. Jatorri desberdineko koroak (Vitoria-Gasteiz, Urduña, Heredia, Elorriaga, Iruraiz-Gauna, Laudio...) zur polikromatuzkoak edo harrizkoak. Zilarrezko eta urrezko koroak edo tenplez margotuak taula batean.

• Peruko karta sorta “Pavías”
• Inprimatuak Pavías 1983
• Paper gaineko offseta.
• Arabako Fournier Karta Museoa.
• Arabako Foru Aldundia

Duela gutxi egindako berrikuspen batean, ikusi zen karta sortako kartak izkina batean itsatsita zaudela, blokeak osatuz. Batzuek esfoliazioak zituzten euskarrian, bereizten saiatzean sortuak. Itsatsita zeuden, atzeko aldean itsasgarri bat zegoelako. Itsasgarri horrek, bere izaeragatik, elastiko eta finkagarri izaten jarraitzen du. Kartak bereizi, itsasgarriaren hondarrak kendu eta kalteak zuzendu dira.

• Santa Anako portada
• 1330. urte inguruan eraikia.
• Santa Maria Katedrala
• Vitoria-Gasteiz

Zaharberrikuntza Zerbitzuak Santa Maria Katedrala Fundazioarekin lankidetzan jardun du portada kontserbatzeko eta zaharberritzeko proiektua idazten, eta zaharberritzearen zuzendaritza fakultatiboaren parte da. Hondatzearen arrazoiak arinduz eta kalteak kenduz, eskultura multzo monumental gisa duen funtzioa itzuliko zaio.

• Harén
• Francisco Iturrin
• 1912
• Mihise gaineko olio pintura
• Arabako Arte Ederren Museoa
• Arabako Foru Aldundia.

Mihiseak deformazio, pitzadura eta hutsune puntual ugari zituen. Degradazioa eragin zuten bastidorearen izaerak —finkoa baitzen— eta aurreko esku hartze batek, zeinean oihala bastidoreari atxiki baitzitzaion. Bastidorea aldatzea, ertzak jartzea, behar bezala tenkatzea, iztukatzea eta hutsuneak berriz integratzea izan da tratamendua.

• Izenbururik gabe.
• Itziar Okariz.
• Serigrafia latexaren gainean.
• 1995.
• Artium. Arte Garaikideko Euskal Zentro-Museoa.
• Vitoria-Gasteiz.

Lana iritsi zenean, bi zatiek elkar ukitzen zuten aurrez aurre, eta hala-nola bilduta zeuden bullkraftaren inguruan (polietileno burbuiladuna eta kraft erako papera). Latexa artisaua zenez, zatietako batzuk itsatsita geratu ziren toki askotan, eta geruzak kontu handiz bereizi behar izan ziren.

• Kalbarioa
• Pintura taula gainean
• XVII. mendea
• Zumarreko Andre Mariaren baseliza.
• Quintanilla Gaubea, Araba

Arte ondasun bat zaharberritzeko ekintza da, Quintanilla Gaubeako Administrazio Batzarrak sustatua, Arabako Foru Aldundiaren Kultura eta Kirol Sailak helburu horrekin deitutako dirulaguntzen esparruan.
Honako hau izan da tratamendua: polikromia finkatzea, itsatsitako zikinkeria kentzea, eraikuntza osagaiak finkatzea, iztukatzea eta leheneratze kromatikoa.

• Arkitekturari goratzarrea XIV

• Eduardo Chillida.

• 1994.

• Altzairua.

• Artium. Arte Garaikideko Euskal Zentro-Museoa. Vitoria-Gasteiz.

Eskultura kanpoko aldean dago eta, horregatik, sarri pairatzen ditu ekintza bandalikoak gainazalean. Kasu honetan, substantzia lodi bat isurtzean piezaren alde batzuk zipristindu ziren. Horiek aztertu ondoren, gutxien itsatsita dauden lekuetan mekanikoki kentzen dira eta disolbatzaileak erabiliz gainerako geruza.

• Aurpegi erdiko maskara –menpo– sudur desmuntagarriduena.

• Beltzez eta gorriz lakatutako burdina,
  kobrea, zeta eta zaldi-zurda.

• 679 zbk. samurai armadura.

• XIX. mendea

• Arabako Arma Museoa (Arabako Foru Aldundia)

Ongi kontserbatua. Laka beltzaren argi-oxidazioa ageri du, eta falta zaizkio sudurreko pieza masailekin lotzen duten L erako gakoetako bat eta esekitze kordoia. Azaleko hauts koipetsua kendu da, gantxoa berriz ipini zaio kako-iltze ebaki bat itsatsiz, eta hutsuneko kolore beltza leheneratu da.

• 1 argazkia. Aurreko esku hartzeak egiteko tekniken azterlana eta zehaztapena infragorrien erreflektografiatik abiatuta.

• 2 argazkia. Obraren tratamenduan zehar lortutako informazio guztiaren datu basean erregistratzea.

• Zaharberrikuntza Zerbitzua

Obraren gaineko tratamendua hasi aurretik, dirauen bitartean eta gero, egiteko garrantzitsuak beteko dira: ingurumeneko datuak hartu, dokumentazio grafikoa eta argazkiak, azterlan mikroskopikoa, zaintze egoeraren diagnosia, analisi fisikoak eta kimikoak eta memoria oso bat egitea, behar den modura kontserbatzeko gomendioak jasota.

• San Migelen erretaula

• Zurezko tailla polikromatua eta urreztatua

• Tomás de la Peñpa eta Juan de Jócano.

• XVIII. mendea

• San Migelen baseliza. Etxegoien, Araba

Arte ondasun bat zaharberritzeko ekintza da, Etxegoiengo Administrazio Batzarrak sustatua Arabako Foru Aldundiaren Kultura eta Kirol Sailak helburu horrekin iragarritako dirulaguntzen esparruan. Hona hemen tratamendua zer izan den: berniza eta birpinturak kentzea, polikromia finkatzea, euskarria sendotzea, xilofagoen kontrako tratamendua eta multzo osoaren azken babesa.

• Oinetako zolak
• Lamua
• Hainbat garaitakoak
• Ermuko Andre Mariaren Santutegia (Laudio)
• Arabako Arkeologi Museoa. BIBAT
• Arabako Foru Aldundia

Oinetakoak nekez kontserbatzen dira egoera onean ehorzketetan. Ermuko Andra Mariaren Santutegian (Laudio) egindako esku hartze arkeologikoan larru eta artelazkizko oinetakoen zola eta zati asko berreskuratu dira, nahiko ondo kontserbatuak, zoruaren ezaugarri anaerobikoak direla eta (oxigeno urriko zorua). Zailtasunik handiena izan da lortzea piezak ez zitezela azkar lehortu eta deformatu.

• FOTO ARQUÉ eta beste batzuk
• 1222 positibo
• Gelatina DOP
• 1940tik 1960era
• Arabako Lurralde Historikoko Agiritegia
• Arabako Foru Aldundia

2007an, argazki materialen lote bat erosi zen ALHArako, eta haien artean 1222 positibo zeuden.
Biribilkiak eginik zeuden, 100 pieza inguru. Modu horretan egonik, denborarekin euskarria desitxuratu egin zen haren jatorrizko forma laua galduz. Ezin zen erabili, ez eta egoki kontserbatu ere. Hortaz, lautu egin zen. Irudian ikusten da nola mekanikoki lautu zen bihurgailuaren bidez.

• 10 urte baterako jardunak egiten
• 10 urte Ondarea zaintzen

2019an 10 urte bete dira Arkeologia Museoa eta Fournier Karta Museoa batzen dituen BIBAT museogunea sortu zenetik. Orain eta beti, BIBAT eta Zaharberrikuntza Zerbitzua elkarrekin lanean ari dira Arabako Kultura Ondarea eratzen duten kultura ondasunak babestu eta onik zaintzeko.

• Andre Mariaren Jasokundearen erretaula nagusia
• Guiot eta Juan de Beaugrant, Mateo Araoz
• Zurezko tailu polikromatua eta urrekara
• XVI. mendea
• Jasokundeko Andre Mariaren eliza.
• Bilar. Araba

Elizaren sakristian 2016an egondako suteak erretaularen kontserbazio egoerari eragin zion. Kea eta kedarra obraren azaleran ezarrita geratu eta geruza koipetsu bat sortu zen, kaltegarria dena geruza piktorikoarentzat; horregatik, hain zuzen ere, egiten ari da zaharberritze esku hartzea.

• Bilboko defentsaren domina 4 orratzekin
• III. Karlistaldia
• Egilea: Genaro Castells
• Brontzea, zeta, zilarra eta letoia
• 1875eko uztailaren 17a
• Arma Museoa
• Arabako Foru Aldundia

Domina Bilboko armarriaren bertsio subertsiboa da. Egoera onean dago, nahiz eta belarriaren orratza falta den. Zetak kolorea galdu du, eta zilarra sulfuratuta dago. Egindako tratamendua: erdi garbiketa bat egin zaio zilarrari guduen izenak nabarmentzeko, kobre gatza zuten bi gune txiki garbitu dira, koipea kendu zaio, eta metalak babestu dira.

• Paper margotuz apaindutako atea
• Errepikatzen den motiboa: eszena medailoia
• Erliebean grabatutako egurrezko plantxaz egindako inprimaketa, lau koloretan, artisau paper berjuratu eta eskuz koloreztatuaren gainean.
• XVIII. mendearen amaiera
• Martiodako (Araba) Hurtado de Mendozatarren dorretxea

Historia eta Arkitektura Ondarearen Zerbitzuak finantzatu ditu atearen inguruko aholkularitza teknikoa eta tratamenduaren ikuskapena. Lekuz kanpo zegoen atea dorrera itsatsitako pabilioi batekoa zen. Leku hori otorduetarako estalpe gisa edo ospakizunak egiteko erabiltzen zuten. Zenbait zatitan, papera kolorge dago, ilun, zikin eta desitsatsita, hainbat arrazoirengatik. Metalezko, egurrezko eta paperezko elementuetan esku hartu da. Irudian ikus daiteke paperaren kolatua kentzeko lanaren xehetasuna, ondoren tratatu ahal izateko.

• Gai alegorikoari buruzko tapiza
• Troiako gerrari buruzko seriea
• Anonimoa
• Artilea, zeta eta lihoa
• XVII. mendea
• Etxe-Jauregia
• Arabako Foru Aldundia

Tapizaren kontserbazio egoera kaskarra zen, oro har: zikinkeria, deformazioak, urratuak eta aurretiko esku hartzeak. Tratatzeko honako prozesu hauek gauzatu dira: garbiketa mekanikoa, kaltegarriak ziren aurretiko esku hartzeak desegitea, ehuna lerrokatzea, forrua egitea eta erakusketa sistema berri bat jartzea.