Eskulturaren gaineko esku hartzeak
Eskultura
Azbeizko Done Joan Bataiatzailearen erretaula. (Xehetasuna)
Eskultura arloa arduratzen da zurezko obrak aztertu, ikuskatu eta tratatzeaz, polikromatuak izan edo ez, Arabako Foru Aldundiaren museoetatik nahiz eliza ondare eta toki erakundeetatik etorritakoak.
Kontserbazio eta zaharberrikuntza proiektuak, zurezko eskultura arloak barne hartzen dituenak, erretaula, erliebe eta konkor biribileko eskulturen esku hartzeak dira.
Albeizko Done Joan Bataiatzailearen erretaula (Xehetasuna)
Eskulturaren gaineko esku hartzeak
Erlikitegi bustoak
Hamaika mila birjinen erlikitegi bustoak. Gasteizko Elizbarrutiko Arte Sakratuaren Museoa.
-
Egilea: Ezezaguna. Flandriakoa.
-
Teknika: Zur polikromatuan eta urre-kolorekoak landuta
-
Data: 1520. urtearen ingurukoa
Bost erlikitegi busto hauen ikerketak informazio zehatza eman digu haien eraikuntzari, gauzatzeri eta historia materialari buruz. Zenbait hezur zati daude eta kalitate desberdineko oihal aberatsak haien barruan.
Busto guztiek aurretiko esku hartzeak zituzten, ukituekin eta argizari geruzekin, itsasgarri gisa, eta geruza piktorikoa finkatzeko. Esku hartzea hauxe izan da: argizari geruza kentzea, hutsuneetan egindako hainbat koipe ukitu kentzea, baita okre kolorekoak ere, tonua berdintzeko eta koloreak berriro integratzeko.
Kristo gurutziltzatua
Kristo gurutziltzatua. Goiaingo parrokia eliza. Araba
-
Egilea: Ezezaguna.
-
Teknika: zur polikromatu eta urreztatua
-
Data: XV.- XVI. mendeak
Zurezko euskarriak intsektu xilofagoen eraso larria zuen, eta horrek euskarri eta bolumen galera handiak eragin ditu. Itsatsita zegoen zikin geruza lodi batek eta babes geruza zaharrek kolore geruza estalita zuten. Bestalde, begiak eta bularreko eremuak aldatzen zituzten ukitu puntuala hautematen ziren. Bestalde, polikromia oso narriatuta zegoen. Lehendabizi, intsektuak kendu dira piezan, anoxiaren bidez. Azaleko pilaketak kendu ondoren, eta polikromia finkatzeari ekin baino lehen, zura finkatu da, horren egiturazko ezaugarriek ahulduta baitzeuden. Zikintasuna eta egindako margotzek kentzeko, gelak eta emultsioak erabili dira, ahalik eta disolbatzaile gutxien sar zitezen. Koloreak berriro integratzeko, rigattino teknika erabili da, eta horri esker, irudia hobeto ikusten da.
Zaharberritu aurretik
Zaharberritu ondoren. (Xehetasuna)
Buruko eta sorbaldako narriaduren xehetasuna
Zaharberritu ondoren
Pintura-kapa desberdinak kentzea
Jesusen Izen Eztiaren Erretaula
Jesusen Izen Eztiaren Erretaula. Gasteizko Santa Maria katedrala
-
Egilea: Ezezaguna. Flandriakoa.
-
Teknika: Zur polikromatuan eta urre-kolorekoak landuta
-
Data: 1558
Erretaula flandriar hau kultura ondasuntzat hartu zuen Eusko Jaurlaritzak, monumentu kategoriarekin, 2001eko urtarrilaren 11ko EHAOn. Zur urreztatu eta polikromatuz eginda dago, eta taularen gaineko pinturez, erliebez eta masoneriako apaingarri multzo aberatsez osatuta dago.
Zer teknika erabili zen jakiteko, polikromia laginak hartu ziren, eta taula polikromatuen azterlan erreflektografikoa egin zen. Horri esker, azpian zegoen marrazkia ikusi ahal izan da.
Honako hau izan da esku hartzea: polikromia eta apaingarriak finkatzea, kolek itsasteko ahalmena galduta zutelako. Bestalde, behin disolbagarritasun testa eginda, herdoilduta zeuden bernizak eta berriz margotutakoak kendu dira, zaila zelako jatorrizko polikromia ikustea.
Azkenean, erretaula osorik irakurri ahal izateko, kolorea sartu da berriro, bereizteko tekniken bidez.
Kontserbazio egoera zaharberritu aurretik
Infragorrien erreflektografia azterlana
Zaharberritu ondoren
Tenpluan errefusatutako San Joakim eta Santa Anako taula
Predelako taulen xehetasuna zaharberritu ondoren