Euskararen Batzordea

Aurrekariak

1982an Euskararen Legea onartu berritan batzorde aholku-emaile gisa, erabakiak hartzen laguntzeko eratu zen Eusko Jaurlaritzako lehen euskara aholku batzordea. Bi xede nagusi zituen sorreran: hizkuntz politikaz aholku ematea eta sail guztiak koordinatzea euskarari zegokionean.

 

Arabako Foru Aldundia

Diputatuen Kontseiluaren urriaren 24ko 104/2000 Foru Dekretuak Euskara Batzordea sortzea onartu zuen, Araban euskara garatzeko eta sustatzeko aholku eta kontsulta organo bezala, eta haren osaera, egitura eta eginkizunak onetsi zituen.

 

Euskara Batzordearen egitekoak 

  • a. Aldundiak hala eskatuta, Araban hizkuntza normalizatzearekin lotura duten gorabehera guztiak aztertzea. 
  • b. Aldundiari eta dagozkien erakundeei neurri egokiak har ditzaten proposatzea euskararen erabilerari buruzko xedapenak hobeto ezarri ahal izateko.
  • c. Hizkuntzaren alorrean eskumena duten aginte publiko guztiek bat jardun dezaten bermatzeko neurriak proposatzea.
  • d. Araban euskararen erabilera sustatzeko egoki iritzitako neurriak har daitezen proposatzea.

  • e. Arabako euskararen erabilera sozialari buruzko partaidetza eta komunikaziorako plataforma izatea.

 

Euskara batzordekideak (2024-2029) 

Euskararen Batzordea sortu zuen Kontseiluaren urriaren 24ko 104/2000 Foru Dekretuaren aldaketa egitea onetsi zuen Foru Gobernu Kontseiluaren 9/2024 Foru Dekretuak, maiatzaren 28koa. Halaber, 104/2000 Dekretuaren 3. ataleko 3. puntuaren arabera, b) idazatian aurreikusitako Kontseiluko kideen eta horien ordezkoen izendapena, bai eta Euskara Batzordea osatuko duten erakundeena ere, Arabako Lurralde Historikoan euskara sustatzeko eginkizunak esleituta dituen saileko titularrak egingo du. Legegintzaldi honetan, beraz, Gobernantza Saileko Foru Diputatua izango da.

 

Arabako Euskararen Batzordearen osaera:

Honako pertsona hauek kide izendatzea AFAko ordezkaritzan jarduteko:

  • Euskara Zerbitzuko ordezkari bat eta ordezko bat.

  • Kirol Zerbitzuko ordezkari bat eta ordezko bat.

  • Berdintasun Zerbitzuko ordezkari bat eta ordezko bat.

  • WEB Unitatearen Zerbitzuko ordezkari bat eta ordezko bat.

  • Gazteriaren Foru Erakundearen ordezkari bat eta ordezko bat.

  • Kultura Ekintza Zerbitzuko ordezkari bat eta ordezko bat.
     

Honako erakunde hauek Euskararen Batzordearen partaide izendatzea:

  • AFDA-ARABAKO KIROL FEDERAZIOEN FEDERAZIOA / ASOCIACIÓN DE FEDERACIONES DE ÁLAVA
  • AIARALDEA EUSKARAREN KONTSEILUA
  • AKE-ARABAKO KONTZEJUEN ELKARTEA
  • ARABA EUSKARAZ ELKARTEA
  • ARABAGARA EUSKALDUNON ELKARGUNEEN FEDERAZIOA
  • ARABAKO ALEA KOMUNIKAZIO TALDEA
  • ARABAKO BERTSOZALE ELKARTEA
  • ARABAKO CAMPUSEKO EUSKARAREN, IKASLEEN ETA MUGIKORTASUNAREN ARLOA
  • ARABAKO ERAKUNDE SANITARIO INTEGRATUA
  • BAI EUSKARARI ELKARTEA
  • BERRITZEGUNE NAGUSIA
  • DENON ESKOLA
  • ARABAKO EUSKALTEGIAK
  • GASTEIZKO UDALA- EUSKARA ZERBITZUA
  • GEU GASTEIZ EUSKALDUNA ELKARTEA
  • LANEKI ELKARTEA
  • LAZARRAGA KULTUR ELKARTEA
     

Euskararen Foru Zerbitzuaren proposamenez, honako pertsona hauek izango dira Euskararen Batzordearen partaide:

  • Gidor Bilbao Telletxea
  • Roberto González de Viñaspre Gonzalo
  • Iñaki Martínez de Luna Pérez de Arriba
  • Marta Quintas Quintas