Nor geratzen da TicketBAI betebeharretik salbuetsita?

TicketBAI betebeharretik salbuetsita daude, betekizun hauek betetzen dituzten eta pertsona fisikoen errentaren gaineko zergaren zergadun diren pertsona fisikoak:

1. 2021eko abenduaren 31n 60 urte edo gehiago izatea eta jarduera ekonomiko bat egiten aritzea.
2. Talde honetakoa ez izatea: Administrazio Publikoen Administrazio Prozedura Erkidearen urriaren 1eko 39/2015 Legearen 14.2.c) artikuluan xedatutakoari jarraikiz, elkargo bateko kide izateko betebeharra duen jarduera profesional batean jarduteagatik Administrazioarekiko harremanak bitarteko  elektronikoen bidez izan behar dituzten pertsona fisikoak.
3. 2021ean ez izatea besteren konturako langilerik kontratatuta.

Aurreko apartatuan xedatutakoa honako hauei aplikatuko zaie: sozietate zibilei, nortasun juridikoa izan zein ez; jaso gabeko jaraunspenei; ondasun erkidegoei, eta Arabako Zergei buruzko otsailaren 28ko 6/2005 Foru Arau Orokorrak 35.3 artikuluan aipatzen dituen gainerako erakundeei, baldin eta zergak errenta egozpeneko araubidean ordaintzen badituzte eta bertan jasotako baldintzak betetzen badituzte. Ondorio horietarako, adinari buruzko betekizuna bazkide, jaraunsle, erkide edo partaide guztiek bete beharko dute, hurrenez hurren.