TicketBAI

TicketBAI foru-ogasunek jarduera ekonomiko guztien fakturak bidali eta ziurtatzeko sistema da

 

 
EZARPEN EGUTEGIA

2022/01/01

BORONDATEZKO ALDIAREN HASIERA

2022/04/01

Arabako Foru Aldundiari laguntzen dioten AHOLKULARITZAK (pertsona fisikoak eta juridikoak).

2022/07/01

Sendagaien, osasun produktuen eta higiene pertsonaleko produktuen txikizkako MERKATARITZA, baita JEZaren epigrafeen 2. sekzioan jasotako lanbide jarduerak ere

2022/12/01

GAINERAKO ZERGADUNAK

 

Borondatezko aldiko zerga-onurak

Arabako Foru Aldundiak, TicketBAI ezartzea errazteko, % 60ko kenkari gehitua aplikatuko du zergaduna dagokion nahitaezko ezarpenaren egutegiari gutxienez hilabete aurreratzen bazaio.

Zer da TicketBAI?

TicketBAI hiru foru-ogasunen eta Eusko Jaurlaritzaren proiektu komuna da, eta jarduera ekonomikoa egiten duten pertsona fisiko eta juridiko guztiek argitaratzen diren baldintza teknikoak betetzen dituen fakturazio-softwarea erabili beharko dute.

TicketBAI sistemak jarduera ekonomikoak garatzen dituzten pertsona fisiko eta juridiko guztiei eta nortasun juridikorik gabeko erakunde guztiei eragiten die, baldin eta Euskadiko foru-ogasunek PFEZn edo sozietateen gaineko zergan araugintza-eskumena badute.

 

TicketBAI ezartzeko, fakturazio-programa egokituak erabili beharko dira, fakturan jasotako zerga-informazio guztia duten fitxategiak sortzeko, faktura jaulki aurretik.

Fitxategi hori automatikoki bidaliko zaio Foru Ogasunari faktura egiten den unean.

Horrez gain, ondasunaren edo zerbitzuaren eskuratzailearen esku dagoen fakturak, inprimatuta edo euskarri elektronikoan, kode bakarra eta QR kodea izango ditu, eta, horren bidez, faktura behar bezala jaulkita dagoela egiaztatu ahal izango da.

 

 

 

 

Jaso itzazu TicketBAIri buruzko berriak

RSS bidez harpidetu zaitezke eta zure postontzian TicketBAIri buruzko berriak jaso ditzakezu

HARPIDETU

Nola funtzionatzen dute RSSek?

Aplikatu beharreko araudia

260/2022 Foru Agindua, maiatzaren 6koa, lehen diputatu nagusiorde eta Ogasun, Finantza eta Aurrekontu Saileko oro diputatuarena. Onespena ematea TicketBAI fitxategiak zuzentzeko zerbitzuen betekizunak, prozedura eta zehaztapen tekniko eta funtzionalak arautzeari

34/2021 Foru Araua, abenduaren 23koa, ekonomia suspertzeko neurriak, TicketBAI aplikatzeko neurriak eta zergen arloko neurri batzuk ezartzen dituena

802/2021 Foru Agindua, abenduaren 27koa, Lehenengo diputatu nagusiordea eta Ogasun, Finantza eta Aurrekontu Saileko foru diputatuarena. TicketBAI softwarearen zehaztapen tekniko eta funtzionalak eta TicketBAI softwarearen erregistroan alta emateko adierazpena arautzea

2021/04/30ean ALHAOn argitaratu zen apirilaren 21eko 13/2021 Foru Araua, tresnak teknologikoak erabiltzeko betebeharra ezartzen du. Arau hori laster garatuko da erreglamendu bidez.

2021/10/13an argitaratu zen ALHAOn, 117. zenbakian, Foru Gobernu Kontseiluaren urriaren 5eko 48/2021 Foru Dekretua, TicketBAI betebeharra garatzen duen arautegia onesten duena.

2021eko abenduaren 1ean argitaratu da 52/2021 Foru Dekretua, azaroaren 23ko Foru Gobernu Kontseiluarena, Arabako Foru Ogasunaren aurreko borondatezko ordezkaritza aldatzen duena, eta 2-d ordezkaritza-maila ezartzen duena TicketBAI betebeharra materialki betetzeko, bai eta balio erantsiaren gaineko zergaren erregistro liburuak eta   fabrikazioko zerga berezien  kontabilitate idazpenen erregistroak bidali eta kontsultatzeko ere.

Kontsultak

Arabako Foru Ogasunak herritarrei arreta emateko zerbitzu bat jarri du abian TicketBAIri buruzko zalantzak argitzeko.

Deitu 945 18 15 30 telefonora edo bidali zure kontsulta hurrengo formularioan.