AURRETIKO HITZORDUA

Aurretiko hitzordua eska dezakezu Arabako Foru Ogasuneko bulegoetan, errenta aitorpena egiteko edo Rentafácil proposamena aldatzeko.

HASIERA

APIRILAK 9

AMAIERA

EKAINAK 5

1979ko urtarrilaren 1a baino lehen lan-mutualitateetan kotizatu zuten Gizarte Segurantzako erretiroagatiko edo baliaezintasunagatiko pentsioa jasotzen duten pertsonentzat, aplikatua dago Rentafácil-en proposamenen murrizketa. Informazio gehiago >

Rentafácil-en proposamena aldatu
nahi duzu?

Rentafácil-en proposamena jaso eta aldaketaren bat egin nahi baduzu, Ogasunaren bulegoetara etorri behar duzu, hitzordua eskatu eta gero.

Rentafácil aldatzeko aurretiko
hitzordua eskatzea

Hala ere, kontua aldatu besterik ez baduzu egin nahi, zeure finantza erakunde laguntzailera joan beharko duzu

Foru Ogasuneko bulegoetan aitorpena egin nahi duzu?

Rentafácil-en proposamena ez baduzu jaso eta Foru Ogasuneko bulegoetan aitorpena egin nahi baduzu, hemendik hitzordua eska dezakezu.

Aitorpena egiteko aurretiko
hitzordua eskatzea

Ogasuneko bulegoetara joan beharko duzu, datu fiskaletan ez dauden edo badaudenekin bat ez datozen egiaztagiriekin.

Gogoan izan ezin dela aitorpena Ogasuneko bulegoetan egin 2025eko ekitaldian honako hauek egin dituztenek:

Jarduera ekonomikoren batean aritu direnek edo jarduera ekonomikoren bat garatzen duten eta errentak eratxikitzeko araubideren batean dauden entitateetako bazkideak izan direnek.
Ohiko etxebizitza saldu dutenek.
Higiezinak edo akzioak saltzeko hiru eragiketa baino gehiago egin dituztenek.
Kotizatu gabeko merkataritza sozietateen partaidetzak saldu dituztenek.
Turismo alokairurako higiezinak dituztenek.
Lekualdatutako pertsonen araubide bereziari atxikitzen zaizkionek.
Etxebizitzak ez diren bi higiezin desberdin baino gehiagoren kapital higiezinen etekinak lortzen dituztenak.
Oinordetzaz edo dohaintzaz, irabazpidezkoak desegin izanaz edo indibisoa utzi izanaz, gehiegizko esleipenarekin, eskuratutako higiezinak eskualdatzen dituztenak.
Kriptomonetak eskualdatu dituztenak.

* Gogoan izan: proposamena onartu edo autolikidazioa aurkeztu baduzu, emandako hitzordua automatikoki ezeztatuko da.