Salbuespenak

Doako zerbitzu hori zergadun guztiek erabili ahalko dute, salbu eta 2025ean:

• Jarduera ekonomikoren batean aritu direnek edo jarduera ekonomikoren bat garatzen duten eta errentak eratxikitzeko araubideren batean dauden entitateetako bazkideak izan direnek.
• Ohiko etxebizitza saldu dutenek.
• Higiezinak edo akzioak saltzeko hiru eragiketa baino gehiago egin dituztenek.
• Kotizatu gabeko merkataritza sozietateen partaidetzak saldu dituztenek.
• Turismo alokairurako higiezinak dituztenek.
• Lekualdatutako pertsonen araubide bereziari atxikitzen zaizkionek.
• Etxebizitzak ez diren bi higiezin desberdin baino gehiagoren kapital higiezinen etekinak lortzen dituztenak.
• Oinordetzaz edo dohaintzaz, irabazpidezkoak desegin izanaz edo indibisoa utzi izanaz, gehiegizko esleipenarekin, eskuratutako higiezinak eskualdatzen dituztenak.
• Kriptomonetak eskualdatu dituztenak.
   

* Gogoratu zure proposamena onartu baduzu edo autolikidazioa aurkeztu baduzu, esleitutako hitzordua automatikoki ezeztatuko dela.

Baimena

Foru Ogasuneko bulegoetan beste pertsona batzuen errenta-aitorpena egiteko edo aldatzeko, beharrezkoa da baimen bat eta NANaren fotokopia aurkeztea.

Erroldako datuak eguneratzea

Erroldako datuak eguneratu beharko dituzu Ogasunean, honako inguruabar hauetakoren bat jakinarazi ez baduzu:

• Arabako Lurralde Historikoko zergadun berria

• 2025ean zure egoera zibila aldatu duzu.

• 2024ko errenta aitorpenean adierazitako helbidea aldatu duzu.