ABISUA

FORU GARBIGUNEEN SAREA ERABILTZEKO ARAUAK COVID19KO DESESKALATZEAREN   1. FASEA (MAIATZAK 11) HASI ETA GERO

  • 1. fase hasi eta gero gende gustirako zerbitzua berreskuratzen da, partikularrak ere bai. Onartzen diren gehieneko hondakin kantitateak mantentzen dira.

  • Arreta ate itxitarekin izango da, erabiltzaile bakarra barruan egoteko.

  • Pertsonen segurtasun distantzia mantenduko da (2 metro).

  • 2. bizitzako gunea itxita egongo da.

  • Astelehenetik ostiralera 13:30etan eta 17:30etan eta larunbatetan 13:30etan izango da azken ordua garbigunera sartzeko.

ESKERRIK ASKO LAGUNTZEAGATIK


 

AFA-REN GARBIGUNEETAKO “BIGARREN BIZITZA” BERRERABILTZE ZERBITZUAN JARDUTEKO PROTOKOLOA, COVID-19AREN PANDEMIA DELA ETA

 

ZURE ETA PERTSONA GUZTIEN OSASUN SEGURTASUNERAKO:

  • Berrerabiltzeko diren gauzak bigarren bizitzako etxolaren kanpoko aldean utzi behar dira. Garbiguneko langileek egokitu eta barnean gordeko dute.

  • Debekatuta dago bigarren bizitzako etxola edo gelara sartzea.

  • Jendeak bigarren bizitzako etxola edo gelaren kanpoko aldetik begira dezake, edo garbigunea zaintzen duten langileei galdetu. Haiek aholku eman eta behar dutena eskuratuko diete.

  • Oro har, baimentzen da hilabetean gauza bat edo bi entregatzea.

  • Osasun arrazoiengatik, gauza guztiak 48 ordu egongo dira koarentenan, eta aldez aurretik garbiketa eta desinfektatze tratamendua egiten den arren, pertsona bakoitzaren ardura da berrerabiltze etxoletatik jasotako gauzak garbitzea eta desinfektatzea.

  • Mantendu egingo dira alarma egoera deklaratu zenetik ezarritako babes eta segurtasun neuri guztiak:

         o Norbera babesteko ekipamenduak (eskularruak, maskara, eta abar) erabiltzea, osasun agintariek gomendatutako arauei jarraituz.

         o Pertsonen arteko segurtasun distantzia gorde behar da (1,50 – 2,00 metro).

ESKERRIK ASKO LAGUNTZEAGATIK

Bilketa guneen sarea

Landako bilketa guneek Arabako landa esparruan sortzen diren hondakinak kudeatzen dituzte.

Ikusi mapa

Zer motatako hondakinak biltzen ditu?

  • Obra txikietako hondakinak: erreforma txikietan sortzen diren hondakinak, hala nola adreiluak, teilak, harriak...

  • Hondakin handiak: objektu handiak, altzariak, koltxoiak, leihoak, ateak, somierrak, paletak...

  • Inausketak: inausketen eta lorezaintza lanen hondakinak bakarrik: adarrak, belarra...

Zer EZIN dugu bota?

  • Hondakin organikoak.

  • Industria hondakinak, ez arriskutsuak, ez nekazaritzakoak (lastoa, patatak, erremolatxa...)

  • Hondakin berrerabilgarriak, hala nola arropa, oinetakoak, jostailuak.

  • Etxetresna elektrikoak.

Nork erabil dezake?

Etxean obra txiki bat egitean, altzariak edo tresnak aldatzean, edo inausketa edo lorezaintza jardueretan hondakin horiek sortzen dituen edonork.

  • Ezin dute enpresek erabili beren jardueraren hondakinak botatzeko, hala nola obretako enpresek, ateak eta leihoak jartzen dituztenek, ibilgailuen tailerrek eta abar. Enpresek baimendutako kudeatzaileen bidez kudeatu behar dituzte beren hondakinak, ingurumeneko arautegiak ezartzen duen moduan.

Nola erabiltzen dira?

  • Bakoitzean adierazitakoa bakarrik bota behar da. Nahastuta dauden hondakinak kudeatzea garestiagoa da, eta kalte egiten dio balorizazioari.

  • Hondakinak edukiontziaren hondo-hondoan utzi behar dira, atea blokeatu gabe.

  • Gogoratu beste edozein hondakinetarako Garbiguneak, Puntu Berde mugikorra eta Kuadrilla eta Udalen zerbitzuak ere badaudela.

Landako bilketa gune batzuek hesiak dituzte, hobeto erabiltzeko. Galdetu zure Udaletxean nola erabil ditzakezun.

Bilketa guneen sarea

Gaur egun, 101 landa garbigune daude Sare honetan, Araba osotik banatuta.

Galdetu non daukazun zure landako bilketa gunerik hurbilena, haren ezaugarriak eta baldintzak.