Kirol Zain zerbitzuko nobedadeak - araba

Kirol Zain - Eskola kirola zaintzen zerbitzuak bere eginkizunak zabalduko ditu ikasturte honetan, hezkuntza-balioen sustapena, eskola-kiroleko lehiaketetan gatazkak prebenitzea eta Arabako Lurralde Historikoko kirol-erakundeei laguntzea indartzeko.
 

Zer berrikuntza eskaintzen ditu ikasturte honetan?

• Sentsibilizazio-ekintzak eskola-kiroleko lehiaketetan, errespetua, bizikidetza eta kiroltasuna sustatzeko. 
• Dibulgazio-kanpainak eta mezuak, kirolariei, teknikariei, familiei eta ikusleei zuzenduta, joko-eremuan nahiz hortik kanpo jokabide positiboak sustatzeko. 
• Prestakuntza-jardunaldiak eta hausnarketarako zein jardunbide egokiak partekatzeko guneak, federazio eta kirol-erakundeekin elkarlanean. 
• Prebentziozko hezkuntza-tailerrak, interesa duten klub eta kirol-erakundeen beharretara egokituak. 
• Kontsulta eta orientazio teknikoko zerbitzua, kirol-erakundeei gatazken prebentzioan eta kirol-inguruneko bizikidetzaren hobekuntzan laguntzeko.
• Kirol-erakundeei laguntza eta aholkularitza, haien hezkuntza-eginkizuna indartzeko eta kirolarientzat, teknikarientzat, familientzat eta eskola-kirolarekin lotutako gainerako eragileentzat ingurune eredugarri eta errespetuzkoak eraikitzen laguntzeko. 
• Jarraipen eta laguntza-plan espezifikoak, gorabeheren kudeaketan edo hezkuntza-neurrien ezarpenean laguntza handiagoa behar duten erakundeentzat. 

Horrela, Kirol Zainek gorabeheren aurreko arreta eta hezkuntza-esku-hartzea eskaintzen dituen zerbitzua izateaz gain, prebentziorako, prestakuntzarako eta kirol-erakundeei laguntza emateko baliabide ere bihurtu nahi du, errespetuan, bizikidetza positiboan eta hezkuntza-balioetan oinarritutako eskola-kirola sustatzeko.