2025-2026 programa eta izen emateak - araba

• Berrikuntzak kontsultatu

Eskola-kirolaren programan honako jarduera hauek sartzen dira (tipologia bakoitzean klikatuz, taula bat bistaratuko da modalitate/diziplina eta kategoriekin):

• Parte hartzeko lehiaketak
• Hasteko jarduerak
• Jolaseko jarduerak
• Teknifikazio-jarduerak
• Jarduera irekiak

* Teknifikazio-jarduerak eta jarduera irekiak kirol-federazioek bakarrik antola ditzakete.

Jarduerak deskargatu PDF formatuan

Kirol modalitate/diziplina bakoitzerako gaitutako kategoriak eta jarduera motak KIROL ESKAINTZA 2025-2026 dokumentuan jasotzen dira.

PROGRAMAREN HASIERA ETA AMAIERA

Eskola-adineko jarduera fisikoko eta kiroleko programa 2025eko irailaren 5etik 2026ko ekainaren 19ra bitartean egingo da, biak barne.

Egun horietatik kanpo ezin izango da eskola-adineko jarduera fisikoko eta kiroleko programako entrenamendurik edo jarduerarik egin, Arabako Foru Aldundiak salbuespenez baimendu ezean.

JARDUEREN ETA LEHIAKETEN HASIERA ETA AMAIERA

Jarraian, jarduerak zein datatan egin daitezkeen azaltzen da, tipologiaren arabera:
 

Kontuan hartu beharreko beste batzuk:

• Euskadiko Eskolarteko Jokoetan Arabako ordezkaria erabaki behar den lehiaketetarako, 2026ko maiatzaren 24an amaitu beharko da lehiaketa, dagokion kirol modalitate/diziplinaren araudiak beste data bat zehaztu ezean.
• Udako egutegi federatua duten kirol-modalitateetako kategoria guztiek lehiaketa-jarduerak egin ahal izango dituzte 2025eko irailaren 13tik 2026ko ekainaren 14ra bitartean.
• Udalerriek eta beste toki-erakunde batzuek antolatzen dituzten topaketekin edo kirol anitzeko lehiaketekin ez kointziditzeko, erakunde laguntzaileek ezin izango dituzte B edo C kirol-jarduera anitzetan inskribatutako kirolari edo taldeei soilik zuzendutako lehiaketak antolatu, ezta kirol bakarreko topaketak ere, data eta kategoria hauetan:
  • Aurrebenjaminen kategoria: 08/11/2025, 22/11/2025, 13/12/2025, 17/01/2026, 31/01/2026, 21/02/2026, 07/03/2026, 28/03/2026, 25/04/2026, 16/05/2026.
  • Benjaminen kategoria: 15/11/2025, 29/11/2025, 10/01/2026, 24/01/2026, 07/02/2026, 28/02/2026, 14/03/2026, 18/04/2026, 09/05/2026, 16/05/2026.

JARDUNALDI EZ BALIODUNAK

Kirol federazioek, Foru Aldundiaren salbuespenezko baimena izan ezean, ezin izango dute lehiaketarik edo jarduerarik antolatu inskribatutako erakundeentzat (ohiko jarduerak) data hauetan:

• 2025eko urriaren 12a.
• 2025eko azaroaren 1a.
• 2025eko abenduaren 6tik 8ra.
• 2025eko abenduaren 22tik 2026ko urtarrilaren 6ra (Gabonetako oporrak).
• 2026ko martxoaren 19tik 22ra.
• Apirilaren 2tik 12ra (Aste Santuko oporrak).
• 2026ko apirilaren 28a.
• 2026ko maiatzaren 1etik 3ra.

Egun baliogabe horietan, ordea, eskola-adineko jarduera fisikoaren eta kirolaren programaren federazio edo erakunde laguntzaileek jarduera irekiak antolatu ahal izango dituzte, baldin eta Arabako Foru Aldundiaren baimena badute edo onartu badira.

Haur eta kadete kategorietako errendimendu-hastapeneko ibilbideetan parte hartzen duten erakundeek, hala uste badute, irakaskuntza-jarduerak (entrenamenduak) egin ahal izango dituzte Gabonetako eta Aste Santuko opor-egunetan, jaiegunak ez badira. 

Halaber, talentudunak edo etorkizun handiko kirolariak identifikatzeko ibilbideko jarduerak oporretan egin ahal izango dira, eta lehiaketak jaiegunetan ere bai.

Egoera berezietan, baliodunak ez diren jardunaldietako batean jarduerak eta lehiaketak sartzeko baimena eman ahal izango da.

Modalitate kolektiboko lehiaketen ordutegia

1.- Lehiaketa-jardunalditzat larunbatekoa hartuko da, eta topaketak hasteko azken ordua 9: 00etatik 13:30era bitartekoa izango da.
Aurrekoa gorabehera, modalitate bakoitzeko araudi espezifikoak goragoko kategorietarako beste ordutegi batzuk gaitu ahal izango ditu, instalazio nahikorik ez dagoelako edo salbuespenezko beste inguruabar batzuk daudelako.

2.- Horrez gain, talde baten desplazamendua dagoen partiden kasuan, partida egiteko ordutegia 10:30etik 12:30era bitartekoa izango da.

Salbuespen gisa, eta soilik kirol instalazio batean ordu tarte hori osorik lekualdatutako taldeekin jokatzen denean, partidak 9: 30etik 13:00etara hastea planteatu ahal izango da, benjaminen kategoria izan ezik. Ez da beharko federazioaren eta Arabako Foru Aldundiaren baimenik salbuespena aplikatzeko, baina modalitate bakoitzaren araudi espezifikoak zehaztu beharko ditu modalitate hori behar ez bezala aplikatzearen ondorioak.

Era berean, larunbat arratsaldeetan lehiaketak egitea ahalbidetzen duten araudiak dituzten kategorietan, herrien arteko joan-etorriak dituzten partidak  16:30etik 18:00etara egingo dira.

3.- Ezarritakoak ez diren asteko beste ordutegi edo egun batzuk baimendu ahal izango dira, erakunde laguntzaileak eskaera justifikatua egin ondoren. Halaber, ordutegiak edo asteko egunak aldatu ahal izango dira dagokion administrazio-baimenik gabe, baldin eta erakunde parte-hartzaileen artean adostasuna badago eta erakunde laguntzailearen oniritzia badago.

Banakako modalitateetako lehiaketen ordutegia

1.- Banakako lehiaketak larunbat goizetan eta/edo arratsaldeetan egin ahal izango dira, bai eta igande goizetan ere. 
2.- Igande arratsaldeetan edo asteko beste egun batzuetan jarduerak egitea baimendu ahal izango da, erakunde laguntzaileak eskaera justifikatua egin ondoren.
 

• Kontsultatu izen-emateei buruzko informazioa

KIROL ESKAINTZA 2025-2026 atalean zehazten da eskainitako kirol bakoitzean izena emateko den azken eguna.

Egun hori baino lehen izena ematen ez duten erakundeek ezin izango dute parte hartu jardueretan.

Kirolariak, gainerako pertsonala eta izena eman duten taldeak Kirol Zerbitzuak baliozkotu ez baditu, ez dira eskola-kirolaren programan sartuko. Hori horrela izanda, ezingo dute parte hartu erakunde laguntzaileek antolatutako lehiaketa eta jardueretan, ezingo dute erabili kirol-arloan eskumena duen sailak emandako garraioa, ez eta eskola-kirolaren esparruan egin daitezkeen dirulaguntzen deialdiez baliatu ere.

Talde bat baliozkotu ahal izateko, eskola-kirolaren aplikazio informatikoan (CUDE) ondo definituta eduki behar dira honako alderdi hauek:

• Entrenamenduak bere osotasunean (egunak, lekua eta ordutegia).

• Entrenatzailea zehaztuta, eta egiaztatuta adingabea babesteko prestakuntza eta sexu-delituen ziurtagiri negatiboa duela.

• "Kirol anitzeko jardueren” kasuan, aurreko baldintzez gain, jardueraren proiektua/programa erantsi beharko da.

• Modalitate eta jarduera-mota bakoitzerako ezarritako gutxieneko eta gehieneko kirolariak betetzea.

• Baimena behar duten kasuetan, eskatutako informazioa edo dokumentazioa.

* Intzidentziak dituzten taldeak ez dira baliozkotuko horiek zuzendu arte (CUDEn kontsultatu ahal izango da egoera: Taldeak>Intzidentziak).

Kirolari, entrenatzaile, ordezkari edo epaile bat baliozkotu ahal izateko, eskola-kirolaren aplikazio informatikoan (CUDE) ondo definituta eduki behar dira honako alderdi hauek:

• Dagokion identifikazio-dokumentua atxikita izatea.

• Lehiaketa-jardueretarako, argazkia erantsita edukitzea.

• Baimena behar duten kasuetan, eskatutako informazioa edo dokumentazioa.

• Entrenatzaileen eta adingabeekin ohiko harremana duten ordezkari eta epaileen kasuan, egiaztatzea adingabea babesteko prestakuntza eta sexu-delituen ziurtagiri negatiboa dutela.

* Intzidentziak dituzten taldeetako kideak ez dira baliozkotuko horiek zuzendu arte (CUDEren egoera kontsultatu ahal izango da: Kirolari berriak>Egoera).

Kirolari bat edo eskola-adineko jarduera fisikoko eta kiroleko programako beste pertsona bat baliozkotu ahal izateko eta, beraz, eskola-programako jarduera batean parte hartzeko lizentzia eskuratu ahal izateko, gutxienez 7 egun natural lehenago inskribatu beharko da eskola-kiroleko aplikazio informatikoan (CUDE).

Arabako Foru Aldundiak doako garraio-zerbitzu bat eskaintzen du du eskola-adineko jarduera fisikoko eta kiroleko programan parte hartzen duten eta joan-etorriak behar dituzten kirol-erakundeentzat, dela asteburuetako lehiaketak edo topaketak egiteko, dela aste barruko entrenamenduak edo saioak egiteko.

Ondorengo esteketan erabilera-baldintzei eta eskaerak izapidetzeko moduari buruzko informazioa eskaintzen da:

• Asteburuetan lehiaketak edo topaketak egiteko garraioa.
• Astegunetan entrenamenduak edo saioak egiteko garraioa.

Garraio-zerbitzu honetatik kanpo geratzen dira honako joan-etorri hauek:

• Herri baten barruan egiten direnak.
• Zazpi kilometro baino hurbilago dauden herrien artekoak, kasu honetan izan ezik: 20.000 biztanle baino gutxiagoko herrien arteko joan-etorriak entrenamenduak egiteko.
• Arabako Lurralde Historikotik kanpo kokatutako erakundeek egindakoak, nahiz eta Arabako Foru Aldundian kirol arloko eskumena duen sailaren titularraren baimena izan eskola adineko jarduera fisikoaren eta kirolaren kanpainan parte hartzeko.
• Honako jarduera mota hauetarako egindakoak: aisia jaiak, lehiaketa jaiak, detekzio edo teknifikazio jarduerak, hastapen ikastaroak. Hori guztia, kirol arloan eskumena duen sailaren titularraren berariazko baimena izan ezean.
• Eskola orduetan antolatutako jardueretarako egindakoak.

ASTEBURUETAKO ERABILTZEKO ARAUAK ETA GORABEHERETARAKO TELEFONOA

Asteburuko jardueretarako garraio-zerbitzua eman eta programatu ondoren, erakunde erabiltzaileek hurrengo dokumentuan ezartzen diren erabilera-arauak errespetatu behar dituzte.

Halaber, dokumentu horretan bertan, gorabeheretarako guardiako telefonoa eta hura erabiltzeko baldintzak jasotzen dira.

Garraio-zerbitzuaren arauak

Baimen-motak

• Eskola-kiroleko programan sartzen ez diren eskola-kiroleko jarduerak antolatzea. 
• Eskola-kiroleko programan sartzen ez diren eskola-kiroleko jardueratan parte hartzea. 
• Eskola-kiroleko entitateak programan sartzen ez diren eskola-kiroleko jardueratan parte hartzea. 
• Arabako eskola kiroleko umeak beste lurralde historiko edo autonomi erkidegoetako entitateetan parte hartzea. 
• Estatuko txapelketa federatuetan eskola kiroleko lizentziarekin parte hartzea. 
• Federazio lizentziak izapidetzea. 
• Adina bete ez duten kirolarien parte hartzea. 
• Arabako Lurralde Historikokoak ez diren kirolarien parte hartzea. 
• Beste baimen batzuk. 
   

Eskaerak

• Erakundeak:
  Eskola-kirolean alta emanda dauden erakundeek CUDE aplikazio informatikoaren bidez egin beharko dute eskabidea; gainerako erakundeek, berriz, ondorengo eredua aurkeztu beharko dute Erregistro Elektroniko Komunaren bidez: eredua
   
• Pertsona fisikoak:
  Eredua Erregistro Elektroniko Komunaren bidez edo aurrez aurre aurkeztu beharko dute, Erregistro Orokorrean (Probintzia plaza 5, 01001 Vitoria-Gasteiz) edo 39/2015 Legearen 16.4 artikuluan ezarritako lekuetan.

Haurrak eta nerabeak indarkeriatik erabat babesteko ekainaren 4ko 8/2021 Lege Organikoan ezarritakoaren ildotik, indarrean dagoen denboraldiko eskola-adineko jarduera fisikoko eta kiroleko programan parte hartu nahi duten erakundeek baldintza hauek bete beharko dituzte nahitaez:

• 1. Babes-ordezkari bat edukitzea. Figura horrek "Adingabea kirol-inguruneetan babesteko protokoloa erabiltzea" prestakuntza edo babes-ordezkariari zuzendutako antzeko beste bat gaindituta izan beharko du.

• 2. Ziurtatu beren erakundearen esparruan adingabeekin ohiko harremana izatea eskatzen duten jarduerak egiten dituzten profesional eta boluntario helduek:

  • "Haurrak kirolean zaintzeko eta babesteko sentsibilizazioa" edo antzeko beste prestakuntza bat gainditu dutela, HBILOren 5. eta 48.2 artikuluetako baldintzak betetzen dituena.

  • Sexu Delitugileen eta Gizakien Salerosketaren Erregistro Zentralaren ziurtagiri negatiboen bidez sexu-askatasunaren eta sexu-ukigabetasunaren aurkako edo gizakien salerosketaren aurkako delituren batengatik epai irmoaren bidez kondenatuta ez daudela.

• 3. Administrazio publikoak arautzen dituzten kirol-inguruneetan adingabeak babesteko protokoloa aplikatzea.
  • * Ez da nahitaezkoa kirol-erakundeek beren protokolo propioa izatea; aitzitik, administrazio eskudunek onartzen dutena aplikatu behar dute. Ildo horretan, Arabako Foru Aldundiak eskola-kirolari buruzko beste foru-agindu bat onartuko du hurrengo hilabeteetan, kirol-erakundeek aplikatu beharko duten protokoloarekin. Bitartean, administrazioek protokolo honen aplikazioa eskaintzen diete erakundeei.

* Aurreko urteetan pertsona batek gainditutako prestakuntzak baliozkoak dira. Ez da beharrezkoa berriro egitea.

Informazio gehiago

Lehen Hezkuntzako ikasleentzat zuzendutako jarduera hauetan, lehentasun handiagoa ematen zaio mugimendu jarduerak egiteari eta trebetasunak eskuratzeari, kirol jakin batean trebatzeari baino.

Jardueren helburuak ondorengoa dira:

• Mugimendurako, adierazpenerako eta sormenerako baliabideak eskuratzea, oso onuragarriak baitira pertsonen eguneroko bizitzarako eta kirol praktikarako, aisiarako eta/edo sasoian egoteko zein errendimendurako bideratua izan.

• Zenbait kiroletan hasteko aukera, aurrerago ikasleak bere ahalmenetara edo interesetara hobekien egokitzen dena aukeratzeko xedez.

Jarduera horiek ikastetxeen antolamendu eta tutoretzapean soilik egingo dira.

Kultur arloko dantza-jarduerak ezin izango dira jarduera hauen parte izan.

Taldeak kirol-jarduera anitzetan  inskribatzen dituzten erakundeek proiektu bat aurkeztu beharko dute, taldearen/taldearen inskripzioarekin batera, CUDE aplikazio informatikoan. Proiektu horiek behar bezala beteta entregatzen ez dituzten erakundeei ez zaizkie taldeak/taldeak baliozkotuko.

Modalitate hori ikasturtean zehar planifikatzeko orduan, honako aukera hauek har daitezke kontuan:

1.- KIROL ANITZEKO “A” JARDUERA 

• Zenbait kirol modalitate edo jarduera fisiko egiten dira ikasturtean zehar, zenbait eratakoak, bata bestearen gainetik egon gabe, eta erakundeak aukeratzen duen modalitate edo jarduera bakoitzari saio kopuru bera eskainiko zaio. 
• Talde horiek Arabako Lurralde Historikoko toki erakundeek antolatutako kirol anitzeko topaketetan parte hartu ahal izango dute.

2.- KIROL ANITZEMO “B” JARDUERA 

• Gainerako kirol modalitateen edo jarduera fisikoen aurretik lehentasuna izango duen kirol modalitate edo jarduera fisiko bat planteatzen
• Ikasturteko asteko saioen % 50 lehentasunezko modalitatera edo jarduerara bideratuko dira, eta beste % 50a, berriz, erakunde parte hartzaileak hautatzen dituen gainerako modalitate edo jarduera fisikoetara:
• Aukera honetan, Arabako Lurralde Historikoko toki erakundeek antolatzen dituzten kirol anitzeko topaketetan parte hartu ahal izango da, bai eta dagokion federazioak antolatzen dituen lehentasunezko modalitateko topaketetan edo lehiaketetan ere.

3.- KIROL ANITZEMO “C” JARDUERA 

• Erakundeak, gehienez, bizpahiru kirol modalitate edo jarduera fisiko aukeratuko ditu, eta horiek modu berdintsuan banatuko dira ikasturtean zehar.
• Talde horiek hautatutako modalitateetako erakunde laguntzaileek (federazioak) antolatzen dituzten kirol bakarreko topaketetan edo lehiaketetan parte hartu ahal izango dute. Jardueren edo lehiaketen egutegiak bateraezinak badira, ikasturte hasieran aukeratu beharko dute zein modalitatetan parte hartu nahi duten.
• Talde horiek udalerriek antolatzen dituzten kirol anitzeko topaketetan edo lehiaketetan ere parte hartu ahal izango dute, baldin eta udalerriek hala uste badute.
   

Arabako Foru Aldundiaren Eskola Kiroleko Jarduera Irekien Programa eskola kirolaren programa osatzen duten kirol modalitate batzuen unean uneko jardueren eskaintza askotarikoa da. Arabako edozein adingabek parte har dezake, dagokion kirol modalitateko eskola programan izena emanda dagoen ala ez kontuan hartu gabe.

Jarduera irekien Programak denboraldi honetarako, bestak beste, honako kirol modalitate hauetako jarduerak izango ditu: atletismoa, xakea, badmintona, saskibaloia, beisbola, boxeoa, txirrindularitza, kirol egokitua, eskolada, futbola, golfa, halterofilia, herri kirolak, areto-hockeya, belar-hockeya, izotz-hockeya, borroka, judoa, padela, patinajea, izotz gaineko patinajea, euskal pilota, piragüismoa, errugbia, tiro olinpikoa eta arku tiroa.

Ondorengo estekan ikus daitezke ikasturte honetarako programatutako jararduerak. Pixkanaka, jarduera berriak txertatuko dira. Arabako Foru Aldundiaren Eskola Kiroleko Jarduera Irekien Programa eskola kirolaren programa osatzen duten kirol modalitate batzuen unean uneko jardueren eskaintza askotarikoa da. Arabako edozein adingabek parte har dezake, dagokion kirol modalitateko eskola programan izena emanda dagoen ala ez kontuan hartu gabe.
 

KIROL ZERBITZUA

Probintzia plaza, 5-3. solairua.

Telefonoa: 945 181 943

Posta elektronikoa: descolar@araba.eus

Ordutegia:  08:15 - 14:30

• 2025-2026ko kirol eskaintza
• Baimenen eskaera
• Kirol jarduera anitzeko proiektua

Kirol-modalitate edo -diziplina bakoitzean garatzen diren lehiaketek edo jarduerek, eskola-kirolari buruzko arau orokorrak errespetatzeaz gain, Arabako Foru Aldundiak ikasturte bakoitzerako esteka honetan argitaratzen dituen araudi espezifikoetan edo joko-erregelamenduetan ezarritakoa bete behar dute.

• Eskola Kiroleko Harmailetan Errespetua Sustatzeko Protokoloa

• “Irainik ez, kitto!” kanpaina

Lizentzia federatuak izapidetzea

1.- 2025-2026 ikasturtean, aldez aurretik eskatuta, baimena emango da eskola-adineko kirolariei lizentzia federatuak izapidetzeko hurrengo apartatuan ezartzen diren modalitate eta kategorietan:

2.- Halaber, baimena ematen da eskola-lizentzia eta lizentzia federatua aldi berean emateko jarraian ezarritako modalitate eta kategorietan:

3.- Arlo honetako beste baimen batzuk ezarri ahalko dira uztailaren 14ko 185/2025 Foru Aginduaren VIII. kapituluko laugarren atalean ezarritakoaren arabera.

Eskola-lizentzia duten estatuko txapelketa federatu ofizialetan parte hartzea.

2025-2026 ikasturtean, aldez aurretik eskatuta, kirolariei baimena emango zaie eskola lizentzia duten estatuko txapelketa federatu ofizialetan parte hartzeko, ezartzen diren modalitate eta kategorietan, uztailaren 14ko 185/2025 Foru Aginduaren VIII. kapituluko hirugarren atalean ezarritakoaren arabera egin daitezkeen beste baimen batzuei kalterik egin gabe. Hauek dira: