Formakuntza
Pertsonak kirolean entrenatzea
Hizlaria: Iker González de Garibay Yarritu
Egunak: maiatzak 6 eta 8
Ordutegia: 17:30etik 20:30era
"Irainik ez, kitto!" kanpainaren barruan txertatutako ikastaroa. Helburua da 30 entrenatzaile sustatzea eta lidergorako, taldeak garatzeko, kudeaketa emozionalerako eta gatazketarako tresnak ematea, alderdi tekniko-taktikoetan, fisikoetan edo metodologia globaleko alderdietan oinarrituta egon ohi den ezagutza osatzeko.
Entrenatzaileei eta prestatzaileei zuzendua. Gehienez ere 30 lagunek parte hartuko dute, eta izen-ematearen hurrenkeraren arabera onartu beharko dira, interesdunen kopurua gainditzen bada.
Epea: maiatzaren 2ra arte.
3K programa 2024
HOBETZEA DOAKOA DA!
Arabako Foru Aldundiak, Bizkaia eta Gipuzkoako Aldundiekin, Eusko Jaurlaritzarekin eta EUSKALIT-ekin batera, 3K programa bultzatzen dugu, gure arloko kudeaketaren kalitatea hobetzeko: kirol arlorena.
ZER ETA NORENTZAT DA?
Programa hau Arabako kirol erakundeen kudeaketa hobetzen laguntzera zuzenduta dago.
Klub, federazio, enpresa, ikastetxe, guraso-elkarte, kirol instalazio… guztiek parte hartu dezakete.
3 urteko iraupena du, nahiz eta beste formatu batzuk badauden (galdetu). Urtean 40 ordu inguruko dedikazioa eskatzen du programak.
Tailer ezberdinez osatua dago (batzuk on-line, besteak presentzialak).
Erakunde bakoitzaren errealitatea aztertu eta praktikotasunean hobetzen lagunduko zaituztegu.
NOLA EMAN IZENA?
Epea: URTARRILAK 31 baino lehen.
ZE KOSTU DU?
Konpromezu eta esfortzu apur bat besterik ez. DOAKOA DA!
ETA ZER IRABAZTEN DUGU?
Baliabideen optimizazioa (giza-baliabideak, ekonomikoak…).
Denbora aurreztu erakundearen kudeaketan.
Erakundea antolatu eta eguneratuko dugu.
Kudeaketa plan oso bat garatzen lagunduko dizuegu.
Diru-laguntza batzuetarako puntuagarria AFAn (galdetu).
INFORMAZIO OSAGARRIA
- PROGRAMA OSOAREN INFORMAZIOA, URTEZ-URTE
- ZER LANDUKO DUGU 1. URTEAN?
- BIDEOA
- FLYER INFORMATIBOA
- EUSKALITEN WEBGUNEKO INFORMAZIOA
ZALANTZARIK?
Zalantzak argitzeko, AFAren Kirol Zerbitzuarekin harremanetan jarri 945 18 18 18 (52140 luzapena) telefonoan edo igereta@araba.eus helbidera idatzita.
Urriaren 27an, Anoetako instalazioetan, 3K Programaren XV. edizioa: gaur egun teknologiek kirol munduan zer ekarpen egin dezakete ekitaldia izan da.
Ekitaldian 50 pertsona baino gehiago izan ziren; besteak beste, Gerardo Escarza, Arabako Foru Aldundiko Kirol zerbitzuburua, Carlos Sergio Atsotegi, Bizkaiko Foru Aldundiko Euskara, Kultura eta Kirol Saileko aholkulari nagusia; Goizane Alvarez, Gipuzkoako Foru Aldundiko Gazteria eta Kiroleko zuzendaria, eta Gorka Iturriaga, Eusko Jaurlaritzaren Jarduera Fisikoaren eta Kirolaren zuzendaria.
Ekitaldiaren aurretik, Reale Arena berriaren instalazioak bisitatu ziren.
Ekitaldian La Merced Futbol Klubeko Jose Luis Tormok, GaituzSport-eko Xabier Leizeak eta Bidasoa Atletiko Taldeko Ibon Muñozek parte hartu zuten, Kudeaketaren eta Berrikuntzaren arloetan izandako esperientziak kontatzeko.
Gainera, 3K programaren ziurtagiriak eman zitzaizkien programaren hiru urteak bete dituzten 20 kirol entitate eta enpresei. Hona hemen ziurtagiria jaso zuten arabako erakundeak:
-
CLUB ELURRA K. E.
-
CD LAKUA ARRIAGA
-
ADC ABETXUKO
3K Programa Arabako, Bizkaiko eta Gipuzkoako foru-aldundiek, Eusko Jaurlaritzak eta Euskalitek sustatu dute, eta 2006an sortu zenetik hona, 400 kirol-erakundek baino gehiagok hartu dute parte; besteak beste, kirol-kudeaketako enpresak, euskal eta lurraldeetako federazioak, kirol-klubak, udal-kirolak, IGEak eta eskola-klubak.