Formakuntza

Parte-hartzaileak

Erakunde hauek parte har dezakete programa honetan:

- Eskola lehiaketetan gutxienez 5 talde dauzkaten ikastetxeek, elkarteek eta futbol edo saskibaloi klubek.

Irizpide hau oinarri hartuta hautatuko dira ikastetxeak/klubak:

- Aurreko beste ekitaldiren batean parte hartu izana, izen emate hurrenkera errespetatuko delarik.

Programa gehienez ere 15 erakunderentzat izango da (ikastetxeak eta futbol edo saskibaloi klubak).

Izen ematean erakunde bakoitzeko 2 koordinatzaile/arduradun identifikatu behar dira. Koordinatzaile/arduradun horiek beren erakundeetako begiraleei dei egin behar diete programan proposatutako ebaluazio lanak egiteko.

1. estrategia: Kirol legearen ebaluazioa

Programan parte hartuko duten erakundeek beren kirol testuinguruetan izandako kirol legearen kalitatea ebaluatu behar dute. Horretarako, eskola adinekoek kirolean izandako kirol legea edo kirol legerik eza ebaluatzeko erregistro bat erabiliko dute. Ebaluazio prozesua hasi aurretik, lantegi bat egingo da programan parte hartuko duten erakundeetako koordinatzaileekin.

- Estrategi abiarazteko garaia: 2017ko azaroa eta 2018ko maiatza.

2. estrategia: kirol legearen pankarta

- Kirol jarduna hasi baino lehen edo jardunaren atseden orduan (ikastetxe edo kirol talde bakoitzak hautatuko du), kirolari gazteek pankarta bat aterako dute, ikastetxe edo kirol klub bakoitzak kirol legea sustatzeko egoki irizten dion lemarekin. Helburua da ikastetxe edo klub bakoitzak kirol legeari buruz dituen ideiak zabaltzea, eta jolaskide dituen beste ikastetxeak edo klubak gonbidatzea ekintza honetan parte hartzera.

- Estrategia abiarazteko garaia: 2017ko abendutik 2018ko maiatzera.

3. estrategia: Prestakuntza lantegiak

- Hiru prestakuntza lantegi, programan esku hartzen duten erakundeetako koordinatzaile edo arduradunentzat. Kirol legezko jokabideak eta jarrerak sustatzeko ekintza espezifikoak proposatuko zaizkie eta, horrez gainera, kirol legea sustatzen duten tresnak eta ekintzak sortzeko baliabideak ere eskuratuko zaizkie.

- Gutxienez bi arduradun (koordinatzaile) eta gehienez hiru, programan izena eman duen ikastetxe edo klub bakoitzeko.

- Koordinatzaileentzako lantegiak abiarazteko garaia: 2018ko otsailetik apirilera.

- Lantegiak egin ondoren, jarraipena egingo  zaie lantegietan proposatu diren eta koordinatzaileek hezitzaile, begirale eta/edo teknikari arduradunekin beren erakundean abiaraziko dituzten jardunei.

- Erakunde bakoitzeko koordinatzaileek gauzatuko dituzten jardunen jarraipena eginteko garaia: 2017ko azarotik 2018ko maiatzera.

4. estrategia: Jardunbide egokien gymkana

- Programan parte hartzen duten erakundeek parte hartu beharko dute eskola adineko kiroleko jardunbide egokien gymkanan, zeina ikasturtea bukatzean proposatuko baita. Jarduera horretan hauexek parte hartu beharko dute: programan parte hartzen duten erakundeetako kirolariek, teknikari arduradunek, gurasoek eta arbitroek/epaileek.

- Jarduera abiarazteko garaia: 2018ko maiatza.

Erakunde parte hartzaileentzako dirulaguntza 

Erakunde bakoitzerako aurreikusitako dirulaguntza: 600 euro, betiere jarraian xehatutako jarduerak zehatz-mehatz gauzatzen badituzte:

1) Taldeen kirol jarduerak ebaluatzea.

2) Hiru prestakuntza lantegietara joatea.

3) Koordinatzaileek hiru lantegiak ematea beren ikastetxean edo kirol erakundean.

4) Jardunbide egokien gymkanan parte hartzea.

Izena emateko epea eta modua: 2017ko irailaren 25etik urriaren 6ra bitartean; eskaera bidali behar da helbide elektroniko honetara: arolkirol@gmail.com   

Izen emate epea bukatu ondoren, programan hartu diren ala ez jakinaraziko zaie erakunde eskatzaileei.

Zer da 3K Programa?

Prestakuntza-ekintza programa bat da, hiru Foru Aldundiek eta Eusko Jaurlaritzak antolatua eta diruz lagundua eta Euskalit-Kudeaketa Aurreratuak koordinatua, eta bere helburua da EAEko kirol erakundeen kudeaketa hobetzen laguntzea, kudeaketa aurreratuen ereduan oinarritatua.

Hartzaileak

Kirol federazioak, klubak eta kirol taldeak, ikastetxeak, guraso elkarteak, patronatuak eta kiroleko udal erakundeak, kirol enpresak eta instalazioak, eta bestelako edozein erakunde.

Funtzionamendua

3 urteko programa bat da, eta xedea da erakundeek, prestakuntza saio/tailerren bitartez eta hainbat ariketa praktiko eginez, beren antolamenduan kudeaketa "aurreratuen" funtzezko alderdiak eta praktika onak ezagutu eta garatu ditzaten.  

Erakunde parte hartzaileen kopurua

2006an martxan jarri zenetik, Bizkai, Gipuzkoa eta Arabako ia 200 erakundek parte hartu duten programan.

3K Programa 3 urterako diseinatuta dago, eta urte horietan aldaketak jasan ditzake, erakunde antolatzaileek  horrela erabakiz gero, programaren  helburu orokorrak betetzeko eta emaitzak hobetzeko.

Argibide gehiago eta izen-ematea

Zer da?

Proiektu bat hizkuntza normalizaziorako planak Arabako kirol-elkarte eta federazioetan ezartzeko. Helburu nagusia entitate horietan euskararen presentzia eta erabilera areagotzea da eta horretarako Emun Aholkularitza Zerbitzuaren laguntza izango da.

Hartzaileak:

Arabako federakuntak, klubak eta kirol-elkarteak.

Funtzionamendua:

Plangintzak gauzatzeko epea 2019ko apiriletik abendura bitartean izango da eta hiru fase ditu:

• Kirol elkartean edo federazioan euskararen inguruko diagnostikoak egitea.
• Diagnostiko horietan oinarritutako mikroplanak egitea.
• Mikroplanak gauzatzeko aholkularitza eta laguntza eskaintzea.

Izen-ematea:

Proiektuan parte hartzeko interesatuak jarri Gerardo Escarzarekin harremanetan, 2019ko martxoaren 29a baino lehenago, telefono hauetara deituz 945182880 / 689231193 edo ondorengo e-mailera idatziz: gescarza@araba.eus 

Plangintzei ekiteko kirol elkarte kopurua mugatua izanik, Foru Aldundiko Kirol zerbitzuak, aurretik adostutako irizpideak kontuan izanik, jasotako eskaeren artean erabakiko du 2019rako hautatuak.