Informazio orokorra - araba
Zer da TicketBAI?
TicketBAI sistemak, nazioarteko erakunde nagusiek (hala nola ELGA Ekonomia Lankidetza eta Garapenerako Antolakundeak eta Europako Batzordeak) emandako gomendioekin bat etorriz, eta antzeko proiektuei ekin dieten gure inguruko beste herrialde batzuen esperientzian oinarrituta, hiru helburu nagusi ditu: iruzur fiskala prebenitzea, lehia desleiala murriztea eta zergapekoei beren zerga betebeharrak betetzen laguntzea.
Helburu horiek honela lortzen dira: faktura bat jaulkitzen den bakoitzean, haren datuak dituen fitxategi informatiko bat sortzen da, eta, aldi berean, modu telematikoan bidaltzen da Ogasunera. Horrela, faktura hori aitortu den egiazta dezake bezeroak, fakturan inprimatuta agertu behar duen QR kode bat eskaneatuta.
TicketBAIren abantailak
- Negozioak digitalizatzea
- Zerga betebeharrak betetzeko lagungarria den informazio baliagarria
- Saltzailearentzako marka
- Eroslearentzako konfiantza
- Iruzurra eta lehia desleiala murriztea
Nola funtzionatzen du TicketBAIk?
TicketBAI sistemaren oinarria QR kodea duen faktura da. Kode horrek ziurtatzen du faktura Arabako Foru Ogasunera iritsi dela, eta, beraz, dagozkion zerga betebeharrak betetzen direla.
Faktura edo salmenta ticket bat jaulkitzen denean...
Zure saltokian salmenta ticket bat edo zerbitzuengatiko faktura bat TicketBAI sistemari jarraituz jaulkitzen duzun unean bertan QR kode bat sortzen da. Kode horrek adierazten du Arabako Lurralde Historikoko TicketBAI araudia bete dela.
...eta QR kodea duen faktura horrekin...
Aldundiak XML fitxategi bat jasotzen du, jaulkitako fakturaren zerga informazio guztia jasotzen duena.
Herritarrek QR kodea eskaneatu dezakete, eta zerga betebeharrak benetan betetzen diren egiaztatu. Hala izan ezean, balizko iruzurraren berri eman dezakete.
