Gizarte Zerbitzuen Foru Erregistroa
Arabako Gizarte Zerbitzuen Foru Erregistroaren datuak eguneratzea
Arabako Lurralde Historikoan gizarte zerbitzuak ematen dituzten erakundeak, zerbitzuak eta zentroak ezagutaraztea ahalbidetzen duen tresna publikoa da Arabako Gizarte Zerbitzuen Foru Erregistroa. Gainera, informazio iturri bat da, gizarte zerbitzuen alorreko baliabideak hobeto antolatu ahal izateko, eta horien berri emateko.
Erregistro horren eguneratze bat egin da, eta Foru Erregistroaren araudiaren eraginpean dauden erakunde, zentro eta zerbitzu guztiek inskripzio berri bat egin behar dute, datu guztiak eguneratuta edukitzeko helburuarekin.
Gogoan izan erregistroan inskribatzea ezinbesteko baldintza dela Arabako Foru Aldundiaren hitzarmenak eta itunak sinatzeko, dirulaguntzak edo laguntzak eta homologazioak lortzeko, bai eta gainerako euskal administrazio publikoen dirulaguntzen eta laguntzen araubidea lortzeko ere.
Nola eguneratu datuak
Datuak Arabako Foru Aldundiaren egoitza elektronikoaren bidez eguneratzen dira. Egoitzan hasi behar duzu saioa, inskribatu beharreko erakundea identifikatuko duen autentifikazio mekanismoarekin, eta urrats hauek bete behar dituzu
| Pertsona juridikoa bada | Zentrorik/zerbitzurik gabe: erakundearen ziurtagiriarekin kautotu behar da, eta "Erakundearen alta" zerbitzuan inskribatu |
| Zentroak/zerbitzuak izanda: lehenik eta behin, erakundearen ziurtagiriarekin kautotu behar da, eta "Erakundearen alta" zerbitzuan inskribatu. Jarraian, eta banaka, zentro/zerbitzu bakoitzari alta eman behar diot "Zentroaren/zerbitzuaren alta" atalean. | |
| Zentroa/zerbitzua duen pertsona fisikoa bada | Zentro/zerbitzu bakoitzari alta eman behar diot "Zentroaren/zerbitzuaren alta" atalean. |
Erakunde guztiek eguneratuta eduki behar dituzte beren datuak, bai eta beren titulartasuneko zentro eta zerbitzuei buruzkoak ere; beraz, erakundeari berari edo haren zentro edo zerbitzuei eragiten dieten datuetan gertatzen den edozein aldaketa hilabeteko epean jakinarazi beharko dute.
Edozein argibide behar izanez gero, informazio gehiago eskatu ahal izango duzu hemen: gizarte-zerbitzuen-erregistroa@araba.eus