Kastore europarra

Kastore europarra (Castor fiber) tamaina handiko ugaztun karraskari erdi urtarra da (80-100 cm luze eta 15-25 kg pisatzen du). Arrak eta emeak oso antzekoak dira. Haren gorputza bi geruzaz osatutako ilaje trinko batez estalita dago: kanpokoa, ile luzeagoz osatutako gorrixka kolorekoa, eta, barrukoa, argiagoa, mantu trinkoarekin.

Garai batean kastorea Europa eta Asia osoan banatuta zegoen, baina hainbat arrazoirengatik, batez ere larruazala, haragia eta castóreuma lortzeko harrapatzen zutelako, nabarmen murriztu zen kastoreen populazioa eta banaketa eremua. Iberiar penintsulan iparraldeko ibaietan bizi izan zen, gutxienez XVI. mendera arte. Bere presentzia historikoaren datu bitxi gisa, Kixoten espeziearen aipamen bat dago, eta Hondarribiko portutik Ingalaterrara egindako kastore larruen esportazioaren erregistroak daude.

2003. urtean, Ebro eta Aragoi ibaien elkargunetik gertu hogei bat kastore legez kanpo askatu zituzten; Alemaniako talde animalista batek aldarrikatu zuen ekintza hori. Bi urte geroago, bi ibaien tarteetan 60 km inguruko banaketa aurreikusi zen (Nafarroa-Errioxa), eta handik aurrera egin du, Ebro ibaiaren arrotik finkatuta.

2010ean, espeziearen lehen aipamenak lortu ziren Araban, Ebro ibaian. 2014an areagotu egin ziren haren presentziaren zantzuak, eta gaur egun kastorea Ebro, Arakil, Ega, Zadorra, Baia, Ihuda, Jugalez eta Omecillo ibaietan dago

Europako kastoreari buruzko informazio gehiago (PDF)

Kastorrak nekazaritzan eragindako kalteak nola arindu (PDF)