Abereen osasuna

Arabako Foru Aldundiak eskumena dauka abereen osasunaren arloko ekintzak eta programak garatu eta gauzatzeko.

Neurri horiek Abeltzaintza Zerbitzuak gauzatzen ditu, bere ekintza guztiak inspiratzen dituen “One Health” printzipioaren pean, EAEn osasun publikoaren arloan eskudun diren beste administrazioekin batera.

Horretarako, eginkizun hori Bizkaiko Foru Aldundiko eta Gipuzkoako Foru Aldundiko abeltzaintza zerbitzuekin koordinatuta betetzen da, baita autonomiaz gaindiko erakundeekin lotura lanak egiten dituen Eusko Jaurlaritzako Abeltzaintza Zerbitzuarekin ere.

Gainera, bere egituraren barruan, Abeltzaintza Zerbitzuak Eskalmendi abeltzaintza laborategia biltzen du. Eskalmendi ziurtatuta dago abereen gaixotasunak diagnostikatzeko maila goreneko laguntza teknikoa eskaintzeko, zenbait gaixotasunen ohiko teknikak eginez.

Osasunen abereen arloan mota askotako ekintzak egiten dira. Haietako asko gaixotasunak erauzi eta/edo kontrolatzeko programetan, kontingentzia eta alerta planetan, epidemien zaintza sarean eta Arabako Lurralde Historikoan dauden etxe eta basa abere espezieei, batez ere abeltzaintzakoei, lotutako beste ekintza batzuetan sartzen dira: bruzelosia, tuberkulosia, paratuberkulosia, IBR, behien beherako birala, neospora, Q sukarra eta beste batzuk.

Eremu horretako jarduerak indartzeko eta nahitaezko sakrifizioak zehazten direnean, maiatzaren 28ko Foru Gobernuaren Kontseiluaren 10/2024 Foru Dekretuan ezarritakoaren arabera jardungo da. Osasunarekin eta/edo animalien ezaugarriekin lotutako jarduera ofizialen ondorioz galera ekonomikoak dituzten animalien titularrei kalte-ordainak emateko baldintzak onartzea. ALHAOn argitaratua, 2024ko ekainaren 21eko 70 zenbakian. Arabako Foru Aldundia - Arabako Lurralde Historikoaren Aldizkari Ofiziala.

Gainera, aipagarria da jarduera horiek burutzeko Arabako Lurralde Historikoan lagun egiteko animaliekin zein Arabako abeltzaintzako ustiategietan dauden abereekin euren lanbide jarduera garatzen duten albaitarien laguntza daukala.

 

Dokumentazioa

Ehiza-lurretan osasuna hobetzeko programak, basafaunaren tuberkulosia kontrolatzeko

Biosegurtasun-neurriak behi-azienden ustiategi estentsiboetan

 

Ehizaren zeregina gaixotasunak prebenitzeko

 

Biosegurtasuna Abeltzaintza estentsiboan

 

Biosegurtasuna jarduera zinegetikoan