Elikadura segurtasuna

Elikagaien segurtasuna

Arabako Foru Aldundiak, halaber, eskumena dauka Arabako Lurralde Historikoko abeltzaintzako ustiategietan ekoitzitako elikagaien segurtasuna bermatzeko ekintzak burutzeko. “Elikagaien segurtasuna” kontzeptu zabalean zenbait arlo sartzen dira, oinarrizko ekoizpenaren “kalitatea”ri lotuak denak.

Horretarako, kontrolak egiten dira merkatuan euren produktuak jartzen dituzten abeltzaintzako ustiategien unibertsoan, “Elikakatea kontrolatzeko urte anitzeko plan”en bidez. Alderdi hauek jorratzen dituzte plan horiek: animalien trazabilitatea, animalien ongizatea, abeltzaintzako oinarrizko ekoizpenaren higienea, abereen elikadura, medikamentuen erabilera animalien ekoizpenean, eta beste batzuk.

Albaitaritzako sendagaiak

Informazio oharra: PRESVET/Mugikorrerako bideo aplikazio

Mugikorrerako Presvet aplikazioa abeltzainei eta albaitariei gehiago hurbiltzeko eta haren funtzionalitateen eta itxuraren berri modu bisualagoan emateko, bideo bat prestatu dugu. Bideo hori YouTubeko Nekazaritza,
Arrantza eta Elikadura Ministerioaren kanalean dago eskuragarri, bai eta Presveti buruz Ministerioak egin duen webgunean ere.

Baimendutako abeltzainek Espainiako edozein tokitatik eskuratu ahal izango dituzte hiru hilean behingo kontsumo txostenak.
Preskripzioen bilatzailean ere sartu ahal izango da, ustiategietan egindako preskripzioak kontsultatzeko.

Albaitari profiletik, gainera, aginduak zuzenean bidali eta aldatu ahal izango dira Presvet-era.

Aplikazio mugikorra eskuragarri dago Googleren eta Apple-ren "App Store"-n, gailu mugikorren bidez erabili nahi duten erabiltzaile guztientzat.

Elikadura segurtasuna