Amortizazioak

2014ko urtarrilaren 1etik aurrera hasten diren zergaldiak.

Ibilgetu materialaren eta higiezinetako inbertsioen balio galera efektibotzat joko da hurrengo taulan ezarritako amortizazio koefizienteak aplikatzearen emaitza denean:

ONDARE ELEMENTUAK	URTEKO GEHIENEKO KOEFIZIENTEA
Etxe gela eta bulegorako, merkataritzako erabilerarako edota zerbitzuetarako eraikinak	3
Industria erabilerarako eraikinak eta pabiloiak	5
Instalazioak	20
Industria erabilerarako makineria	20
Beste erabilera batzuetarako makinak	15
Itsasontziak eta aireontziak	10
Autobusak, kamioiak, furgonetak eta antzekoak	20
Turismo ibilgailuak	20
Moldeak, modeloak, trokelak eta matrizeak	33,33
Tresnak eta erremintak	33,33
Altzariak	15
Informatika ekipoak	33,33
Alokatzeko bideofilmak	50
Alokatzeko bideofilmak	10

Ondare elementuak amortizatzeko gehieneko epealdia 15 urtekoa izango da, higiezinen eta itsasontzi zein aireontzien kasuan izan ezik: higiezinetarako 50 urteko epealdia egongo da eta itsasontzi eta aireontzietarako 25 urtekoa.

Zergadunek eskatu ahal izango dute amortizazio plan berezia onartu dadila, foru arau honetako 16. artikuluko 2. idatz zatiko b) letran araututa dauden horietarikoa, baldin eta, inguruabar ekonomiko edo teknikoengatik, beharrezkoa bada gehieneko amortizazio aldia idatz zati honetan ezarritakoa baino luzeagoa izatea. Aurkeztutako proposamenaren arabera zehaztuko da zergaldi bakoitzeko amortizazio kengarria.

2014ko urtarrilaren 1az geroztik hasitako zergaldiak.

Sozietateen gaineko Zergari buruzko uztaliaren 5eko 24/1996 Foru Arauaren 11.artikuluko 2. Idatz zatiko a) letran aipatzen diren amortizazio koefiziente berriak erregelamendu bidez onartzen ez diren bitartean, aplikatzekoak izango dira Inbertsioa Bizkortu eta Ekonomia Jarduera Bultzatzeko Premiazko Neurri Fiskalei buruzko uztailaren 5eko 18/1993 Foru Arauaren xedapen gehigarriko benetako amortizazio taulan jasotzen diren koefizienteak. Zerga arautegian amortizazio taulez egindako aipamen guztiak koefiziente horietaz egindakotzat hartuko dira.

Hauek dira inbertsioa eta jarduera ekonomikoak bultzatzeko presazko neurriei buruzko uztailaren 5eko 18/1993 Foru Arauko xedapen gehigarrian bildutako koefizienteak:

Ondare elementuak	Urteko gehieneko koefizientea	Epealdko urteak, gehienez
Etxe-gela eta bulegorako, merkataritzako erabilerarako edota zerbitzuetarako eraikinak	3	50
Industri erabilerarako eraikinak eta pabiloiak	5	30
Instalazioak	15	10
Industri erabilerarako makineria	15	10
Industri erabilerarako makineria	10	15
Ontziak eta aireontziak	10	15
Autobusak, kamioiak, furgonetak eta antzekoak	20	8
Turismo-ibilgailuak	20	8
Molde, eredu, trokel eta gargarak .	33	5
Lanabesak eta erremintak	30	5
Altzariak	15	10
Informatika-ekipoak	25	6
Alokatzeko bideo-pelikulak	50	3
Zehaztu gabeko beste elementu batzuk	10	15