Zerga bereziak

Zenbait garraiobideren gaineko zerga berezia: ibilgailu motordun berri edo zaharren behin betiko lehen matrikulazioa zergapetzen duen tributua da.

Elektrizitatearen gaineko zerga berezia: elektrizitatearen kontsumoa kargatzen duen zeharkako zerga da. Hain zuzen ere, energia elektrikoa kontsumorako hornitzea kargatzen du fase bakarrean, bai eta norberak sortzen duen elektrizitatea kontsumitzea ere.‎ 

Fabrikazio zerga bereziak: kontsumo berezi batzuen gaineko zeharkako zergak dira eta fase bakarrean kargatzen dituzte zenbait ondasunen fabrikazioa, inportazioa eta, hala dagokionean, barneko lurralde eremuan sartzea.

Fabrikazio zerga bereziak honako hauek dira:

  • Alkoholaren eta edari alkoholdunen gaineko zergak:

    • Garagardoaren gaineko zerga

    • Ardoaren eta edari hartzituen gaineko zerga

    • Tarteko produktuen gaineko zerga

    • Alkoholaren eta edari eratorrien gaineko zerga

  • Hidrokarburoen gaineko zerga

  • Tabakogaien gaineko zerga