SILICIE

Zerga Berezien kontabilitatea Arabako Foru Aldundiko Egoitza Elektronikoaren bidez egingo da, kontabilitateko idazpenak elektronikoki hornitzearen bidez.

Hornitu beharreko kontabilitateko idazpenen edukia definitzen da, bai eta aurkezteko era, epeak eta prozedurak ere.

Informazio-aitorpenak murrizten dira: Zerga berezien kontabilitatea Arabako Foru Aldundiaren Egoitza Elektronikoan eramaten denean, eragiketen aitorpenak ez dira eskatuko.

30/2020 Foru Agindua, urtarrilaren 27koa, honen bidez fabrikazioaren gaineko zerga bereziek zergapetzen dituzten produktuen kontabilitatea eraman beharra betetzea arautzen da.

Zerga Berezien kontabilitatea Arabako Foru Aldundiaren Egoitza Elektronikoaren bidez lantzeko betebeharra izango dute honako establezimendu mota hauen titularrek:

• Fabrikak
• Zerga gordailuak
• Zerga-biltegiak
• Jasotze-gordailuak
• Ozpin fabrikak

Kontabilitateak Zerga Berezien xede diren produktuen izakin, mugimendu eta prozedura guztiak islatu beharko ditu, eta, hala badagokio, horiek eskuratzeko beharrezko lehengaienenak ere bai, biltegiratzeagatik, fabrikatzeagatik edo zirkulazioagatik sortutako ezberdintasunak barne.

Foru Ogasunari kontabilitateko idazpenak elektronikoki hornitzeko bete behar diren datuak honako esteka honetan zehaztuta daude:

• Horniketaren xede diren kontabilitateko idazpenen edukia, honen bitartez: Arabako Foru Aldundiaren Egoitza Elektronikoa

Zerga Berezien kontabilitatea Arabako Foru Aldundiaren Egoitza Elektronikoaren bidez lantzeko, honela egin ahal izango da:

• Zuzenean Egoitza elektronikoan (arau orokorra)
• Establezimenduetako titularrek, kasuan kasu, izan dezaketen euskarri informatikoko kontabilitate-sistemaren bidez (aukerakoa)

Bide hauetako bat hautatu beharko da, zerga bereziei atxikitako produktuen kontabilitateko idazpenak elektronikoki bidaltzeko Arabako Foru Aldundiari:

1. Mezuen truke elektronikoan oinarritutako web zerbitzuak. Indarrean jarriko den urte naturala hasi baino lehen jakinarazi beharko da bide hau hautatu dela.
   Web zerbitzuen bidezko trukeari buruzko informazio orokorra

2. Web formularioa, zeinaren bidez kontabilitateko idazpen bakoitzari dagozkion datuak sartu behar baitira banan-banan.

3. Fitxategiak inportatzeko aukera ematen duen web formularioa, zeinak kontabilitateko idazpen multzo baten datuak batera sartzea ahalbidetzen baitu. Indarrean jarriko den urte naturala hasi baino lehen jakinarazi beharko da bide hau hautatu dela.
   Fitxategiak inportatzearen bidezko trukeari buruzko informazio orokorra

Kontabilitateko idazpenak Arabako Foru Aldundiari egoitza elektronikoaren bidez helarazteko epea

1. Arau orokorra

Oro har, idazpenak jasotzen duen mugimendua, eragiketa edo prozesua gertatu eta hurrengo hogeita lau ordu baliodunetan helarazi behar dira kontabilitateko idazpenak elektronikoki Arabako Foru Aldundiaren egoitza elektronikoaren bidez (30/2020 Foru Arauaren 5. art.).

Dena den, 2020an egindako mugimendu, eragiketa edo prozesuak jasotzen dituzten kontabilitateko idazpenak 2021eko urtarrilaren 1a eta martxoaren 31 bitartean helarazi ahal izango dira.

2. Kontabilitateko idazpenak euskarri informatikoko kontabilitate sistemaren bidez erregistratzea eta helaraztea erabaki duten establezimenduak (30/2020 Foru Arauko 6. art.)

Euskarri informatikoko kontabilitate sistema duten establezimenduen titularrek erabaki badute kontabilitate idazpenak sistema horren bidez helaraztea, kontabilitate sistema horretan erregistratu beharko dituzte mugimenduak, eragiketak, prozesuak eta izakinak , aurreko 1 puntuan adierazitako epeetan, eta Arabako Foru Aldundiaren egoitza elektronikoaren bidez helarazi behar dituzte bost egun balioduneko epean <0} (zortzi egun baliodun 2020. urterako).

Ondorio horietarako, idazpena barruko kontabilitate sisteman erregistratzen den egunean hasiko da datuak helarazteko epea, eta erregistroa ez bada urtarrilaren 27ko 30/2029 Foru Arauaren 5. artikuluak xedatzen duen epean egiten, hura amaitzen denean hasiko da datuak helarazteko epea.

Establezimendu horiek abuztua hilabete baliogabetzat hartu ahal izango dute, soilik datu horiek helarazteari dagokionez.

Dena den, 2020an egindako mugimendu, eragiketa edo prozesuak jasotzen dituzten kontabilitateko idazpenak 2021eko urtarrilaren 1a eta martxoaren 31 bitartean helarazi ahal izango dira.

Arabako Foru Ogasunak bi postontzi edukiko ditu zergadunei SILICIEren inguruan sortzen zaizkien zalantzak argitzeko.

Kudeaketaren inguruko galderak:
gestionSII@araba.eus  

Sistema informatikoaren inguruko galderak:
informaciontecnicaSII@araba.eus